ნებისმიერ მომავალ სამშვიდობო მოლაპარაკებებში უკრაინისთვის უცვლელი დარჩება სამი ფუნდამენტური საკითხი, რომელიც წითელი ხაზია და განხილვას არ ექვემდებარება, - ამის შესახებ უკრაინის საგარეო საქმეთა მინისტრმა, ანდრეი სიბიგამ უკრაინულ მედიასთან ინტერვიუში განაცხადა.

„არის ფუნდამენტური საკითხები, რომლებიც განხილვას არ ექვემდებარება. პირველი არის უკრაინის ტერიტორიული მთლიანობა და სუვერენიტეტი. უკრაინა არასოდეს აღიარებს ოკუპირებულ ტერიტორიებს. მეორე, არცერთ ქვეყანას არ აქვს უფლება ვეტო დაადოს უკრაინელი ხალხის არჩევანს, უკრაინის არჩევანს ამა თუ იმ გაერთიანებებში მონაწილეობასთან დაკავშირებით, იქნება ეს ევროკავშირი, თუ ნატო“, - განმარტა სიბიგამ.

მისი თქმით, მესამე საკითხი, რომელიც არ განიხილება, არის არმიის თავდაცვისუნარიანობისა და შესაძლებლობების შეზღუდვა, რაზეც უკრაინა არ დათანხმდება. საგარეო საქმეთა მინისტრმა განმარტა, რომ უკრაინის ყველა პარტნიორმა იცის ამ ფუნდამენტური საკითხების შესახებ.

„რუსეთმა პასუხი უნდა აგოს. ეს ყველაფერი ყოვლისმომცველი მშვიდობის ელემენტებია. შეგახსენებთ, რომ ის ასევე გაწერილია ჩვენს „მშვიდობის ფორმულაში“ და ასახავს იმ მიდგომებს, რომლებიც განსაზღვრავს ჩვენს პოზიციას საერთაშორისო ასპარეზზე. ფუნდამენტური საკითხი, რაც ჩვენთვის მნიშვნელოვანია, არის „არაფერი უკრაინის შესახებ უკრაინის გარეშე“, „არაფერი ევროპის შესახებ ევროპის გარეშე“, - აღნიშნა სიბიგამ.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს