სოფლის მეურნეობის მინისტრმა, ოთარ დანელიამ,  რაჭა-ლეჩხუმის რეგიონის გუბერნატორმა, პაპუნა მარგველიძემ და სოფლის მეურნეობის მინისტრის პირველმა  მოადგილემ, ნოდარ კერესელიძემ  ონის მუნიციპალიტეტის სოფელ შქმერში შეღავათიანი აგროკრედიტის პროექტის ფარგლებში დაფინანსებული მესაქონლეობის ფერმა დაათვალიერა.
როგორც "ექსპრესნიუსს" სოფლის მეურნეობის სამინისტროდან აცნობეს, ადგილობრივმა ფერმერმა ფერმის მშენებლობისთვის  შეღავათიანი აგროკრედიტის პროექტით ისარგებლა,  150 000 ლარის ოდენობის სესხი აიღო და  ზღვის დონიდან 1800 მეტრზე, სოფელ შქმერში მეცხოველეობის ფერმა ააშენა.  
მათივე ცნობით, აღნიშნული ფერმა ჩართულია კომპანია „ბლაუენშტაინ საქართველოს“ მეცხოველეობის განვითარების პროექტში, რომლის ფარგლებში ადგილობრივი ფერმერებისთვის  გენეტიკურად გაუმჯობესებული ადგილობრივი ჯიშის ძროხების გადაცემა და კომპანიის სპეციალისტების ზედამხედველობით მათი მოვლა-პატრონობა ხორციელდება. 
როგორც ოთარ დანელიამ  აღნიშნა, მაღალმთიან რეგიონებში წარმოების წახალისება სოფლის მეურნეობის სამინისტროს ერთ-ერთი პრიორიტეტული მიმართულებაა და სახელმწიფო ყველაფერს გააკეთებს იმისთვის, რომ მესაქონლეობის დარგის განვითარება მთელი ქვეყნის მასშტაბით მოხდეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად