მამუკა ხაზარაძეს ბიუჯეტში არაფერი გადაუხდია, ეს ხარჯი კონსორციუმმა დაფარა, რომელიც მოსაკრებლის სახით იყო დაკისრებული, - ამის შესახებ კოალიცია “ძლიერი საქართველოს” ერთ-ერთმა ლიდერმა ბადრი ჯაფარიძემ განაცხადა.

ჯაფარიძის თქმით, არბიტრაჟის ხარჯი ანაკლიის განვითარების კონსორციუმის მხრიდან დიდი ხნის წინ დაიფარა.

“მორიგი პროპაგანდისტული ტყუილია "ქართული ოცნების" მიერ გავრცელებული ინფორმაცია, იმიტომ, რომ კონსორციუმმა დიდი ხნის წინ დაფარა არბიტრაჟის ხარჯი!

მამუკა ხაზარაძეს ბიუჯეტში არაფერი გადაუხდია, ეს ხარჯი კონსორციუმმა დაფარა, რომელიც მოსაკრებლის სახით იყო დაკისრებული. როგორც უკვე აღინიშნა, ეს არის პროპაგანდისტული ტყუილი, სინამდვილეში "ქართული ოცნება" მალავს, იმ უზარმაზარ თანხებს, რომელიც მათ გადაიხადეს დავებისთვის იურიდიულ კომპანიებში. შესყიდვების სააგენტოს მიერ გამოქვეყნებული არის საჯაროდ ინფორმაცია, რომ მარტო სადავო საკითხების განსახილველად იურიდიული კომპანიებისთვის 2 წლის განმავლობაში გადახდილია 123 მილიონი ლარი. მათ შორის, "ვაით ენდ ქეის", რომელსაც "ქართული ოცნების" ინტერესების დაცვა ჰქონდა დავალებული, ხალხის ფულიდან 2024 წელს 70 მილიონი ლარი გადაუხადეს.

ამიტომ უნდა ვისაუბროთ იმაზე, თუ როგორ იხარჯება ქართველი ხალხის ფული. ამ ფულით ნაცვლად იმისა, რომ ის გადაყრილიყო-განიავებულიყო იურიდიულ ხარჯებზე, გარანტირებულად შესაძლებელი იყო, დღეს ანაკლიის პორტის სრულად ფუნქციონირება”, - აღნიშნა ჯაფარიძემ.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს