ჩვენი მიზანი არ არის საქართველოს მოქალაქეების დასჯა იმისთვის, რომ მათ უზურპატორმა ხელისუფლებამ არჩევნები მოჰპარა, ჩვენი მიზანია, დავსაჯოთ პასუხისმგებელი პირები, მათ შორის ადამიანები, რომლებიც უშუალოდ მონაწილეობდნენ ანტიდემოკრატიულ ნაბიჯებსა და ძალადობაში, რეჟიმის გამყარებასა და ჩამოყალიბებაში, – ამის შესახებ პარტის „გახარია – საქართველოსთვის“ წევრმა, ბექა ლილუაშვილმა განაცხადა.

მისივე თქმით, ყველაფერი, რაც შეიძლება ემსახურებოდეს დამნაშავეების დასჯას, მისი პარტიისთვის მისაღებია.

„რამდენ ხანს შევძლებთ ამ ხელისუფლების პირობებში, რომ ვიყოთ ეფექტურები, შედეგიანები და მოვახერხოთ ქართველი ხალხის დაცვა „ქართული ოცნების“ მმართველობის ნეგატივისგან, მათ შორის, უვიზო რეჟიმის შესაძლო გაუქმებისგან, ეკონომიკური სანქციებისგან, არავინ იცის. ჯაფარიძის ნააზრევში მე ვერ გავერკვევი და ვერ გავუწევ საზოგადოებას გიდის ფუნქციას, თუმცა შემიძლია გავიმეორო, რომ ყველაფერი, რაც შეიძლება ითვალისწინებდეს უვარგისი ხელისუფლებისა და უზურპატორი ხელისუფლების პასუხისმგებლობის საქართველოს ხალხისა და მოქალაქეების თავზე დაკისრებას, ჩვენ ამას არ მივესალმებით. ჩვენი მთავარი ამოცანაა, პასუხისმგებლობა დაეკისროთ ადამიანებს, პირთა ჯგუფს, ვინც უშუალოდ მონაწილეობდა ამ ქვეყნის, ფაქტობრივად, დემოკრატიული ინსტიტუციების გაჩანაგებაში და ამ ქვეყნის, ფაქტობრივად, ხელისუფლების უზურპაციაში“, – განაცხადა ლილუაშვილმა.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს