სირიაში ყოფილი ლიდერის, ბაშარ ალ-ასადის მხარდამჭერ რაიონებში დაპირისპირება გრძელდება.

თვითმხილველები მედიასთან ალავიტების წინააღმდეგ დევნის, მათ შორის, საკუთარ სახლებში ოჯახების დახოცვის შესახებ საუბრობენ.

ალავიტების სექტა შიიტური ისლამის განშტოებაა და სირიის მოსახლეობის დაახლოებით 10%-ს შეადგენს. ბაშარ ალ-ასადი ამ სექტას ეკუთვნის.

სირიის ადამიანის უფლებათა მონიტორინგის ცენტრის მონაცემებით, პარასკევსა და შაბათს 973 მშვიდობიანი მოქალაქე მოკლეს.

დაპირისპირება მას შემდეგ დაიწყო, რაც ასადის მომხრეებმა, რომლებმაც უარი თქვეს იარაღის ჩაბარებაზე, ჩაუსაფრდნენ უსაფრთხოების ძალებს ლატაკიისა და ჯაბლეჰის სანაპირო ქალაქების გარშემო, რის შედეგადაც ათობით ადამიანი დაიღუპა.

ასადის არმიის ბრიგადის ყოფილმა გენერალმა გამოაცხადა ახალი აჯანყება ამჟამინდელი მთავრობის წინააღმდეგ და თქვა, რომ აფუძნებდა „სირიის განთავისუფლების სამხედრო საბჭოს“. ვრცელდება ინფორმაციაც, რომ ასადის რეჟიმის უსაფრთხოების ყოფილი ოფიცრები, რომლებმაც უარი თქვეს იარაღის ჩაბარებაზე, მთებში წინააღმდეგობის ჯგუფებს აყალიბებენ.

დამასკოში მოეწყო დემონსტრაციები დაღუპულთა პატივის მისაგებად და ძალადობის დასაგმობად.

გავრცელებული ინფორმაციით, ბოლო ორი დღის განმავლობაში, ჯამში, 1 000-ზე მეტი ადამიანი ემსხვერპლა სირიაში ახალი მთავრობის ძალებსა და ასადის ალავიტური სექტის მებრძოლებს შორის მიმდინარე შეიარაღებულ დაპირისპირებას. მოკლულთა შორის არიან სირიის მთავრობის უსაფრთხოების ძალების წევრები და მებრძოლები ასადის ლოიალისტებიდან. ასევე ალავიტი ქალები და ბავშვები.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს