აღარავითარი დამალვა უნგრეთის ვეტოს უკან, ევროკავშირის 25-მა ქვეყანამ დაუყოვნებლივ უნდა დაუწესოს ორმხრივი სანქციები „ქართული ოცნების“ რეჟიმს, - ამის შესახებ ევროპარლამენტში საქართველოზე მუდმივი მომხსენებელი, რასა იუკნევიჩიენე X-ის საკუთარ გვერდზე წერს.

მისი თქმით, ზამთრის ცივ, 100 დღე-ღამის განმავლობაში ათასობით ქართველი ქუჩაში გამოდის საკუთარი მომავლისთვის საბრძოლველად.

„მათი მოთხოვნები ნათელია: ახალი დემოკრატიული არჩევნები; პრო-ევროპული გზა; ავტორიტარული მმართველობის დასრულება; რეპრესიების დასრულება.

ეს ეგზისტენციალური არჩევანია ევროკავშირსა და რუსეთს შორის. ქართველები ყველაფერს რისკავენ თავიანთი ევროპული მომავლისთვის. არ შეგვიძლია მათი მიტოვება.

ევროკავშირმა უნდა იმოქმედოს. ორმხრივი სანქციები საჭიროა ახლა: ბიძინა ივანიშვილისა და მისი ხელშემწყობების წინააღმდეგ; „ქართული ოცნების“ რეჟიმის წინააღმდეგ; მოსამართლეების, პოლიციისა და ოფიციალური პირების წინააღმდეგ, ვინც პასუხისმგებლები არიან რეპრესიებზე.

აღარავითარი დამალვა უნგრეთის ვეტოს უკან. ევროკავშირი-25-მა [ყველა წევრი სახელმწიფო სლოვაკეთისა და უნგრეთის გარდა] დაუყოვნებლივ უნდა დააწესოს ორმხრივი სანქციები. უმოქმედობის ყოველი დღე აძლიერებს ავტორიტარიზმს.

ქართველებს სჭირდებათ ევროპა ისევე, როგორც ევროპას სჭირდება საქართველო. დემოკრატიული საქართველო საკვანძოა შავი ზღვრის რეგიონში უსაფრთხოებისთვის. ახლა არის მოქმედების დრო”, - წერს იუკნევიჩიენე.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს