პენსიაზე გასვლის შემდეგ, ცესკოს წევრებს სახელმწიფო კომპენსაცია დაენიშნებათ
ტექსტს კითხულობს AI ასისტენტი
ცენტრალური საარჩევნო კომისიის (ცესკო) წევრებს, პენსიაზე გასვლის შემდეგ, სახელმწიფო კომპენსაცია დაენიშნებათ. შესაბამის საკანონმდებლო ცვლილებებს ხელი უკვე მოაწერა მიხეილ ყაველაშვილმა.
ცვლილების მიხედვით, კომპენსაცია ერგებათ 65 წელს მიღწეულ იმ პირებს, ვისაც, ჯამში, 25-წლიანი სამუშაო სტაჟი აქვთ, მათ შორის, უწყვეტი 5 წლის განმავლობაში იყვნენ ცესკოს წევრები. მისი ოდენობა ცესკოს მოქმედი წევრის თანამდებობრივი სარგოს მესამედი იქნება.
ამ პირობების დაკმაყოფილების შემთხვევაშიც კი, კომპენსაციას ვერ მიიღებენ ისინი, ვისაც სასამართლომ საარჩევნო კოდექსის დარღვევა დაუდასტურა.
ავტორი: ექსპრესნიუსი, 
epn.ge (@expressnews.ge)
