ქალბატონ სალომეს იმის ეჭვიც ჰქონდა, რომ რუსეთი ჩაერია ჩვენს არჩევნებშიო, მაგრამ როცა ჰკითხეს საიდან გაქვთ ეს ეჭვიო, როგორც აღმოჩნდა, დაესიზმრა - სხვის ეჭვებზე კომენტარს ვერ გავაკეთებთ, - ასე უპასუხა პარლამენტის თავმჯდომარემ, შალვა პაპუაშვილმა ჟურნალისტების შეკითხვას, რომელიც საქართველოს მეხუთე პრეზიდენტ, სალომე ზურაბიშვილზე თავდასხმასა და გამოთქმულ მოსაზრებას ეხებოდა, რომლის მიხედვითაც, სალომე ზურაბიშვილზე თავდასხმაში შესაძლოა „ქართული ოცნების“ მიერ მობილიზებული ადამიანები მონაწილეობდნენ.

მისივე თქმით, მომხდარის შემდეგ განვითარებულ პროცესებზე არანაირი ინფორმაცია არ აქვს.

„არანაირი ინფორმაცია არ მაქვს ამასთან დაკავშირებით. არანაირი კომენტარი არ შემიძლია გავაკეთო. თავის დროზე ვთქვი, შევაფასე კიდეც, რაც შეეხება რა მიდის, რა არ მიდის, არ ვიცი, ამაზე ვერაფერს გეტყვით. ქალბატონ სალომეს იმის ეჭვიც ჰქონდა, რომ რუსეთი ჩაერია ჩვენს არჩევნებშიო, მაგრამ როცა ჰკითხეს საიდან გაქვთ ეს ეჭვიო, როგორც აღმოჩნდა, დაესიზმრა და არანაირი სხვა ხელმოსაკიდი ფაქტი არ ჰქონდა. სხვის ეჭვებზე კომენტარს ვერ გავაკეთებთ.

ის ძალადობრივი გარემო, რომელიც უცხოური დაფინანსებით საქართველოში იქმნება და რომლის თანამონაწილეც არის მათ შორის, სალომე ზურაბიშვილი, ოპოზიციის სხვა წარმომადგენლები და „ენჯეოები“, ეს ძალადობრივი გარემო უნდა შეიცვალოს!“ - განაცხადა შალვა პაპუაშვილმა.

ცნობისთვის, თბილისის საერთაშორისო აეროპორტში მიუნხენიდან დაბრუნებულ საქართველოს მე-5 პრეზიდენტ სალომე ზურაბიშვილსაც კვერცხები ესროლეს. აღნიშნული ფაქტის ამსახველი ვიდეოკადრები სოციალურ ქსელში 18 თებერვალს გავრცელდა. მომხდარის გამო, სალომე ზურაბიშვილმა საჩივარი შეიტანა და მოითხოვა გამოძიება.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს