ამ საგანგებო დროს ჩვენ განსაკუთრებული ზომები გვჭირდება. ძალიან მნიშვნელოვანია ჩვენი ერთად დგომა. ეს არის წყალგამყოფი მომენტი ევროპისთვის და უკრაინისთვის, როგორც ევროპული ოჯახის ნაწილისთვის, – ამის შესახებ  ევროკომისიის პრეზიდენტმა, ურსულა ფონ დერ ლაიენმა ევროკავშირის ლიდერთა საგანგებო სამიტის დაწყებამდე ჟურნალისტებს განუცხადა.

ურსულა ფონ დერ ლაიენის თქმით, ევროპას უნდა შეეძლოს თავის დაცვა.

„ევროპის წინაშეა ცხადი საფრთხე და ამიტომ ევროპას უნდა შეეძლოს თავის დაცვა, ისევე როგორც უკრაინას უნდა დავეხმაროთ, რომ დაიცვას თავი, მხარი დავუჭიროთ გრძელვადიან და სამართლიან მშვიდობას. ჩვენ გვჭირდება მშვიდობა ძალის საშუალებით და ეს არის მიზეზი, რატომაც დღეს ევროპის ლიდერებს ახლიდან წარვუდგენ შეიარაღების გეგმას. ეს გეგმა უზრუნველყოფს 800 მილიარდი ევროს ინვესტიციას თავდაცვის სფეროში. ეს აძლევს წევრ ქვეყნებს ფისკალურ სივრცეს, რომ განახორციელონ ინვესტიცია თავდაცვაში. ეს აძლევს წევრ ქვეყნებს შესაძლებლობას, განახორციელონ ინვესტიცია უკრაინის თავდაცვის ინდუსტრიაში ან შეისყიდონ სამხედრო შესაძლებლობები, რომელიც წავა უკრაინაში. ასე რომ, ეს არის ევროპის გადაიარაღების სარგებელი, ეს არის ევროკავშირის შეიარაღება და ასევე უკრაინის შეიარაღება მისი სუვერენიტეტის, ტერიტორიული მთლიანობის არსებით ბრძოლაში. დღეს მნიშვნელოვანია ვაჩვენოთ, რომ ჩვენ ვდგავართ უკრაინის გვერდით, რამდენ ხანსაც საჭირო იქნება“, – განაცხადა ურსულა ფონ დერ ლაიენმა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს