2025-03-05 19:45:55, 578 ნახვა

---

მეთე ფრედერიქსენი - გრენლანდიის მთავრობამ ნათლად თქვა, რომ კუნძული არ იყიდება, ეს ჩვენმა მთავრობამაც თქვა

გრენლანდიის მთავრობამ ნათლად თქვა, რომ გრენლანდია არ იყიდება და ეს ჩვენმა მთავრობამაც თქვა, – ასე გამოეხმაურა დანიის პრემიერ-მინისტრი მეთე ფრედერიქსენი აშშ-ის პრეზიდენტის, დონალდ ტრამპის განცხადებას, რომ ასე თუ ისე აშშ გრენლანდიას მიიღებს.

დანიის მთავრობის ხელმძღვანელის თქმით, გრენლანდიას ყველაზე მეტად სურს, რომ იყოს გრენლანდია.

მეთე ფრედერიქსენის განცხადებით, დანიას სურს გრენლანდიასთან თანამეგობრობის შენარჩუნება და ის უნდა განვითარდეს, რომ „გახდეს უკეთესი, უფრო თანამედროვე, აგებული თანასწორობასა და პატივისცემაზე“.

მეთე ფრედერიქსენმა ასევე აღნიშნა, რომ დონალდ ტრამპთან არ უსაუბრია, თუმცა დანიის მთავრობა აწარმოებს მუდმივ დიალოგს აშშ-ის ადმინისტრაციასთან.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი