რუსეთის უშიშროების ფედერალური სამსახური განცხადებას ავრცელებს საქართველოდან სოციალურ ქსელ „ვკონტაქტეში“ გამოქვეყნებული პოსტების ავტორის, 24 წლის ეკატერინბურგელი მარკუს მურას დაკავების შესახებ.

რუსეთის ФСБ ირწმუნება, რომ დაკავებული თავის გვერდზე, მეტსახელით მარკუს ტოკსიჩესკინი „მოუწოდებდა მოლოტოვის კოქტეილებით სამხედრო კომისარიატებისა და სამხედრო ნაწილების დაწვისკენ“. მის წინააღმდეგ საქმე აღიძრა ტერორიზმის გამართლების მუხლით (რუსეთის სისხლის სამართლის კოდექსის 205.2 მუხლის მე-2 ნაწილით), იუწყება „მედიაზონა“.

რუსეთის სახელმწიფო საინფორმაციო სააგენტო „ტასმა“ გამოაქვეყნა მარკუს მურას ვიდეო, რომელშიც ის ბოდიშს იხდის, ჩანაწერში ის ამბობს: „საქართველოში, ქალაქ თბილისში ყოფნისას, გამოვაქვეყნე პოსტები რუსეთის ფედერაციის ტერიტორიაზე სამხედრო კაბინეტების დაწვის მოწოდებით, რასაც ვნანობ და ვიღებ პასუხისმგებლობას, მომავალში მსგავსი რამ არ დავუშვა“.

რუსეთის უშიშროების ფედერალური სამსახურის პრესრელიზში ნათქვამია, რომ „დაკავებული სისტემატურად მოიხმარდა ნარკოტიკებს და ფსიქოტროპულ საშუალებებს, ნასამართლევია მათი შენახვისთვის“ და „საპროტესტო აქციებზე მხარს უჭერდა ეკატერინბურგის ყოფილ მერს ევგენი როიზმანს“.

როდის და სად დააკავეს მური, როდისაა გადაღებული ვიდეო, დაუზუსტებელია. ამასთან, რუსეთის გენერალურმა პროკურატურამ სოციალურ ქსელ „ვკონტაქტეში“ მისი გვერდის დაბლოკვის გადაწყვეტილება შარშან 28 აგვისტოს მიიღო, ბოლოს პოსტი 2023 წლის დეკემბერშია გამოქვეყნებული და წერია, რომ უკვე 15 თვეა ეკატერინბურგში არ ცხოვრობს, სამხედრო კომისარიატების შესახებ პოსტი მის გვერდზე არ იძებნება.

ავტორი: ექსპრესნიუსი,

სოციალური ქსელები

უნგრეთში არჩევნებზე მაღალი აქტივობა შენარჩუნებულია: ამომრჩეველთა თითქმის 42%-მა უკვე მისცა ხმა.

მეუფე ნიკოლოზი: მგონი არასწორია ადამიანს უთხრა, პატრიარქობა არ შეიძლება, რადგან 70 წლის ხარ

უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა

აშშ-მ და ირანმა ომის დასრულების შესახებ შეთანხმებას ვერ მიაღწიეს