პოლონეთის კოსმოსურ სააგენტოზე კიბერთავდასხმა მოხდა
ტექსტს კითხულობს AI ასისტენტი
პოლონეთის ციფრული საკითხების მინისტრი და ვიცეპრემიერი, კრიშტოფ გავკოვსკი ამბობს, რომ პოლონეთის კოსმოსური სააგენტოს (POLSA) IT ინფრასტრუქტურაზე კიბერთავდასხმა მოხდა. მისი თქმით, კიბერუსაფრთხოების სამსახურებმა უნებართვო შესვლა აღრიცხეს.
ამის შესახებ გავკოვსკი X-ზე წერს.
"შემთხვევასთან დაკავშირებით, დაცული იქნა სისტემები, რომლებიც თავდასხმის ქვეშ მოექცა [...] ინტენსიური ოპერაციული აქტივობები მიმდინარეობს იმის დასადგენად, თუ ვინ იყო კიბერთავდასხმის უკან". - წერს გავკოვსკი.
პოლონურ მხარეს აქამდე არაერთხელ უთქვამს, რომ რუსეთი პოლონეთის დესტაბილიზაციას ცდილობს.
ავტორი: ექსპრესნიუსი, 
epn.ge (@expressnews.ge)
