გაერთიანებული სამეფო საფრანგეთთან ერთად იმუშავებს უკრაინასთან ცეცხლის შეწყვეტის გეგმაზე და მას დონალდ ტრამპს წარუდგენენ. ამის შესახებ დიდი ბრიტანეთის პრემიერ-მინისტრმა, კირ სტარმერმა „ბიბისის“ ეთერში განაცხადა.

კირ სტარმერის თქმით, გუშინ ვოლოდიმირ ზელენსკისთან შეხვედრის შემდეგ ის ემანუელ მაკრონსა და დონალდ ტრამპს ტელეფონით ესაუბრა.

სტარმერმა ასევე აღნიშნა, რომ არავის სურს იმის ხილვა, რაც პარასკევს თეთრი სახლის ოვალურ კაბინეტში მოხდა.

„ჩვენ ახლა შევთანხმდით, რომ გაერთიანებული სამეფო საფრანგეთთან და შესაძლოა, კიდევ ერთ ან ორ ქვეყანასთან ერთად იმუშავებს უკრაინასთან საბრძოლო მოქმედებების შეწყვეტის გეგმაზე. ამის შემდეგ, ჩვენ ამ გეგმას აშშ-სთან განვიხილავთ. ამგვარად, პარასკევს ღამით განხორციელებული ზარებით, გუშინდელი შეხვედრით და წუხელ გამართული სატელეფონო საუბრებით, ვფიქრობ, ჩვენ სწორი მიმართულებით გადავდგით ნაბიჯი, რადგან, როგორც ვთქვი, არავის სურს იხილოს ის, რაც მოხდა პარასკევს. თუმცა ნამდვილად მნიშვნელოვანია, რომ ჩვენ შევინარჩუნოთ ცენტრალური ფოკუსი, რაც არის უკრაინაში ხანგრძლივი მშვიდობა“, – აღნიშნა სტარმერმა.

გაერთიანებული სამეფოს პრემიერმა თქვა, რომ ევროპულმა ქვეყნებმა უნდა გააკეთონ მეტი და უზრუნველყონ უსაფრთხოების გარანტიები, თუმცა ამას სჭირდება აშშ-ის მხარდაჭერა. მისივე განმარტებით, ის ვერ ენდობა ვლადიმერ პუტინს და სწორედ ამიტომ არის საჭირო უსაფრთხოების გარანტია.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს