მაკა ასათიანმა და კოტე გოგელიამ განცხადება გაავრცელეს, სადაც აღნიშნავენ, რომ ლევან გაჩეჩილაძესთან კონსულტაციების დაწყებას არ აპირებენ.

"მაესტროს" შენობის მფლობელების განცხადებით, ისინი გაჩეჩილაძისა და მისი გუნდისგან იმ „უსამართლო ბრალდებებზე“, თითქოს მათ გაძარცვეს "მაესტრო", განმარტებებს ითხოვენ.

„ასევე  ველოდებით  განმარტებას,  რამდენად  მისაღებია  მათთვის  ე.წ რუსული  ფულით შეძენილ შენობაში მოღვაწეობა გააგრძელონ და ვინაიდან უარს ვაცხადებთ მათ მივცეთ ამ შენობით სარგებლობის უფლება, დიდი ინტერესით   დავაკვირდებით, თუ რომელი ქვეყნის ფულით შეძენილ შენობაში შესთავაზებენ ჟურნალისტებს ალტერნატიულ ფართს.

მივმართავთ "მაესტროს" გადარჩენის ლოზუნგით მოსულ „გუნდს“, რომლებმაც ასე წარმატებულად და ძალისმიერად მოახერხეს თავის თავზე პასუხისმგებლობა აეღოთ, ჩვენს მიმართ არსებულ ვალდებულებებზე. პირველ რიგში დაუყოვნებლივ  უზრუნველყონ  ვალების გადახდა და მხოლოდ ამის შემდგომ   მისცენ თავიანთ თავს უფლება, ისაუბრონ  სხვისი კერძო საკუთრების იმედად თავიანთი ბუნდოვანი გეგმების შესახებ.

ჩვენის მხრივ კი მაესტროელების წინაშე პირობას ვდებთ,  რომ ვალდებულებების  ფარგლებში დაბრუნებული თითოეული თეთრი მოხმარდება ისევ "მაესტროს"  მაუწყებლობას, მის კიდევ უფრო გაძლიერებასა და განვითარებას.

ერთგული ვრჩებით ჩვენი პრინციპის მიმართ, რომლის მიხედვითაც "მაესტროს"  არ განვიხილავთ როგორც ცალკეულ ქონებას ან შპს-ს. ეს არის  ძალიან  ღირსეული ადამიანების ერთობა და კიდევ ერთხელ ვადასტურებთ, რომ არაფერს დავიშურებთ, რათა მისი მაუწყებლობა იყოს ხელშეუხებელი“, - აცხადებენ ასათიანი და გოგელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს