NATO-ს ქვეყნების სამხედრო კონტინგენტის უკრაინაში შესაძლო გაგზავნის შესახებ გავრცელებულ ინფორმაციას მოსკოვი გამოეხმაურა. კრემლის პრესსპიკერის, დიმიტრი პესკოვის თქმით, ამ ინფორმაციამ კრემლი აღაშფოთა, "განსაკუთრებით იმ კონტექსტში, რომ ევროპელი ლიდერები განიხილავენ უკრაინაში მშვიდობისმყოფელების განთავსებას".

"ჩვენ, რა თქმა უნდა, განსაკუთრებული ყურადღებით ვაკვირდებით ამ ინფორმაციას და ვაკვირდებით ევროპელების ზოგჯერ წინააღმდეგობრივ ოფიციალურ განცხადებებს ამ საკითხზე. ეს იწვევს ჩვენს შეშფოთებას, რადგან საუბარია სამხედრო კონტინგენტის გაგზავნაზე, NATO-ს ქვეყნების შესაძლო, ჰიპოთეტურ სამხედრო განლაგებაზე უკრაინაში" - თქვა პესკოვმა.

ასე გამოეხმაურა პუტინის პრესსპიკერი ინფორმაციას იმის შესახებ, რომ ბრიტანეთის პრემიერმინისტრი, კირ სტარმერი გეგმავს მომავალ კვირას აშშ-ს პრეზიდენტ დონალდ ტრამპს წარუდგინოს უკრაინაში ევროპული ქვეყნების მშვიდობისმყოფელი კონტინგენტის განლაგების გეგმა.

კრემლის პრესსპიკერის თქმით, "ეს საკითხი რუსეთის უსაფრთხოების თვალსაზრისით სრულიად ახალ მნიშვნელობას იძენს".

"ამიტომ ეს ჩვენთვის ძალიან მნიშვნელოვანი თემაა და მას განსაკუთრებული ყურადღებით ვაკვირდებით. მინდა შეგახსენოთ ჩვენი საგარეო საქმეთა მინისტრის სიტყვები – NATO-ს წევრი ქვეყნების სამხედრო კონტინგენტის განთავსება უკრაინის ტერიტორიაზე ჩვენთვის მიუღებელია" - განაცხადა პესკოვმა.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები