ღალატი პროფესიად იქცა და ამის ერთ-ერთ მთავარ ლიდერად სალომე ზურაბიშვილი ჩამოყალიბდა - ცდილობს, რომ ჩაანაცვლოს სააკაშვილი და თავის გარშემო გააერთიანოს ოპოზიცია, - ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან განაცხადა.

მისი თქმით, ქვეყნის მე-5 პრეზიდენტის, სალომე ზურაბიშვილის და ოპოზიციის მთავარი იდეა საქართველოს დამარცხებაა.

"ღალატი პროფესიად იქცა და ამის ერთ-ერთ მთავარ ლიდერად სალომე ზურაბიშვილი ჩამოყალიბდა. დროშა მოიპარა და ისევ ამბობს, პრეზიდენტი ვარო. ჯერ ეს ერთი, ეს სისულელეა, მაგრამ ამ სისულელის უკან ცდილობს, რომ ჩაანაცვლოს სააკაშვილი და თავის გარშემო გააერთიანოს ოპოზიცია. მან ასეთი როლი შექმნა კარნახით, რასაკვირველია. როგორ ასრულებს მეორე საკითხია, მაგრამ ფაქტია, რომ საქართველოსთვის სიკეთე არავის უნდა. საქართველოს დამარცხებაა მათი მთავარი იდეა. დამარცხება იმისთვის, რომ ხელისუფლებაში მოვიდნენ და ევრობიურაკრატიის გარკვეული ინტერესები გაატარონ საქართველოში, რომ თუ ვერ შედგა რუსეთის და ამერიკის დაპირისპირება, ვერ აინთო ცეცხლი, თუ ვერ შედგა ომი, ახლა ევროკავშირის და ამერიკის შეერთებული შტატების დაპირისპირების პოლიგონი შედგეს. ეს მათი ამოცანაა. ეს მარიონეტული ჯგუფია. ეს არ წარმოადგენს რაიმე თვითმყოფად პოლიტიკურ სტრუქტურას, ან კონკრეტულ ადამიანებს, ვისაც გარკვეული იდეა აქვთ. ეს არის ანტიქართული წარმონაქმნი. ეს არის შეთქმულება საქართველოს წინააღმდეგ, რომელშიც ეს ადამიანები მონაწილეობენ“, - განაცხადა ვოლსკიმ.

ავტორი: ექსპრესნიუსი,

სოციალური ქსელები

კალაძე: სწორად მიგაჩნიათ, სახელმწიფომ დიუშენის სინდრომის მქონე ბავშვებისთვის შეიძინოს პრეპარატი, რომელზეც თავად მწარმოებელი ვერ იღებს პასუხისმგებლობას?

სუს-მა ბათუმში ტერორისტული ორგანიზაციის ორი წევრი დააკავა

კალაძე ცოტნე ივანიშვილის მოწოდების მიუხედავად ოპონენტებს მოღალატეებს ეძახის

საია-მ 2024 წლის აქციების დროს მომხდარ წამების შემთხვევებზე სტრასბურგს საჩივარი წარუდგინა