ველოდები საქართველოში აშშ-ის საელჩოს რეაქციას დონალდ ტრამპის შეურაცხყოფაზე, სხვა შემთხვევაში, გამოდის, რომ ამერიკის პრეზიდენტის შეურაცხყოფას ეთანხმებიან, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა საქართველოს პირველ არხს განუცხადა.

მისივე თქმით, აშშ-ის პრეზიდენტის, დონალდ ტრამპისა და ვიცე-პრეზიდენტის, ჯეი დი ვენსის განცხადებები „ხალხის ძალის“ კომენტარებს ერთი ერთში ემთხვევა.

„ჩვენ მართალს ვამბობდით, როცა ხაზს ვუსვამდით, რომ უკრაინაში ომი არ უნდა დაწყებულიყო და ამისთვის ყველაფერი უნდა გაკეთებულიყო. როცა ვამბობდით, ომი უნდა გაჩერებულიყო და მშვიდობა ყოფილიყო, სიტყვა მშვიდობის გაგონება არ უნდოდათ. „გლობალური ომის პარტია“ რომ არსებობს, ეს დღეს ამერიკულმა საზოგადოებამ ტრამპის არჩევით დაადასტურა. შეგიძლია, ნახოთ ამერიკის პრეზიდენტისა და ვიცე-პრეზიდენტის განცხადებები, რომელიც ერთი-ერთშია „ხალხის ძალის“ კომენტარებთან. საგარეო პოლიტიკაზე ჯერ დონალდ ტრამპის განცხადებები იხილეთ და შემდეგ „ხალხის ძალის“ წერილებს ჩახედეთ. მაინტერესებს, ზოგიერთი ქართული მედიასაშუალება მოიხდის თუ არა ბოდიშს ამერიკის პრეზიდენტის შეურაცხყოფის გამო. ველოდები ამერიკის საელჩოს რეაქციას დონალდ ტრამპის შეურაცხყოფაზე, სხვა შემთხვევაში, გამოდის, რომ ამერიკის პრეზიდენტის შეურაცხყოფას ეთანხმებიან“, – აღნიშნა გურამ მაჭარაშვილმა.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა მოსკოვს პუტინის მონაწილეობით გამართული სამიტის დღეს შეუტიეს

დიდი ბრიტანეთი ევროკავშირთან თავისუფალი გადაადგილების შესაძლო აღდგენაზე საუბრობს

Anchorსოფლის მეურნეობის, კვების მრეწველობისა და ტექნოლოგიების უმსხვილესი საერთაშორისო გამოფენა თბილისში

მასწავლებლის ეროვნული პრემიის 2026 წლის ათი გამარჯვებული პედაგოგი გამოვლინდა