შვედეთი არ გამორიცხავს უკრაინაში ჯარების გაგზავნას ომის შემდგომი მშვიდობისმყოფელი ძალების ფარგლებში. ამის შესახებ სააგენტო „როიტერი“ შვედეთის საზოგადოებრივ რადიოზე დაყრდნობით ავრცელებს ინფორმაციას.

„ახლა თავდაპირველად უნდა მივაღწიოთ შეთანხმებას სამართლიან და მდგრად მშვიდობასთან დაკავშირებით, რომელიც პატივს სცემს საერთაშორისო სამართალს, პატივს სცემს უკრაინას და, რაც მთავარია, უზრუნველყოფს, რომ რუსეთმა ვერ შეძლოს უბრალოდ უკან დახევა, ახალი ძალების მობილიზება და რამდენიმე წელში უკრაინასა ან სხვა ქვეყანაზე თავდასხმა. ასეთი მშვიდობის დამყარების შემდეგ, ჩვენ უნდა უზრუნველვყოთ, რომ მისი შენარჩუნება შესაძლებელია და ამის შემდეგ ჩვენი მთავრობა არ გამორიცხავს არაფერს“, – განაცხადა შვედეთის საგარეო საქმეთა მინისტრმა, მარია მალმე სტენეგარდმა ინტერვიუში.

ეს განცხადება შვედმა დიპლომატმა მას შემდეგ გააკეთა, რაც დიდი ბრიტანეთის პრემიერ-მინისტრმა, კირ სტარმერმა აღნიშნა, რომ მზად არის, საჭიროების შემთხვევაში უკრაინაში ჯარები გაგზავნოს სამშვიდობო მისიით.

ავტორი: ექსპრესნიუსი,

სოციალური ქსელები

Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო

კობახიძე: მივესალმებით აშშ-სა და ირანს შორის ცეცხლის შეწყვეტის შეთანხმებას

რას ამბობს სტრასბურგის სასამართლო აფგან სადიგოვის საქართველოდან გაძევებაზე

გიგა ავალიანის მკვლელობისთვის 2 არასრულწლოვანს 10.6 წლით, 1-ს 6.9 წლით პატიმრობა მიუსაჯეს