16 თებერვალს ალექსეი ნავალნის ციხეში სიკვდილიდან ერთ წელი გავიდა. ოპოზიციონერის მოსაგონებლად რუსეთის ქალაქებში მოქალაქეები შეიკრიბნენ. რამდენიმე ათასი ადამიანი, მათ შორის დაღუპული პოლიტიკოსის მშობლები, მოსკოვში, ნავალნის საფლავზე შეიკრიბნენ.

ადამიანის უფლებადამცველი ორგანიზაცია ОВД-Инфо-ს ინფორმაციით რუსმა სამართალდამცავებმა 26 მომიტინგე დააკავეს. ყველაზე მეტი, 10 ადამიანი დააკავეს ნოვოსიბირსკში, 3-3 ადამიანი - მოსკოვსა და უფაში, 2 მომიტინგე - ვორონეჟში. გარდა ამისა, მომიტინგეები დააკავეს ბელგოროდში, ეკატერინბურგში, ნიჟნი ვოლგოროდში, პერმში, სანქტ-პეტერბურგში, უხტაში, ულიანოვსკსა და ჩელიაბინსკში. 

ОВД-Инфо-ს ინფორმაციით უფორმო შსს-ს თანამშრომლებმა სხვა მომიტინგეებს ფოტოები და ვიდეოები გადაუღეს. გარდა ამისა, სამართალდამცავებმა მოშალეს რამდენიმე სტიქიური მემორიალი. 

დაკავებული მომიტინგეების უმეტესობა ოქმის გარეშე მალევე გაათავისუფლეს.

რუსეთის გარდა ნავალნისადმი მიძღვნილი შეკრებები მსოფლიოს ქალაქებში, მათ შორის თბილისშიც გაიმართა. საქართველოს დედაქალაქში რუსი ოპოზიციონერის მხარდამჭერებმა ყვავილები ალექსანდრ პუშკინის სკვერში მიიტანეს.

ავტორი: ექსპრესნიუსი,

სოციალური ქსელები

კმარა სუნთქვა აღარ შეგვიძლია - თურქეთში ათასობით ადამიანი ჟურნალისტების დაკავებების წინააღმდეგ გამოვიდა

სეს: სუნელ-სანელებლებში სუდანის ჯგუფის აზო-საღებავები გამოვლინდა

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს