დღეს პარლამენტის შენობასთან, ქალთა უფლებების დაცვის მოთხოვნით აქცია-პერფორმანსი გაიმართება. ქალთა მოძრაობის წევრი ორგანიზაციები დედაქალაქის ცენტრში რამდენიმე მოთხოვნით შეიკრიბებიან. მათ შორის მთავარი მოთხოვნაა - მეტი ქალი პარლამენტში.

აქცია 15 საათზე დაიწყება. აქციის ორგანიზატორების მთავარი მოთხოვნაა, მოხდეს იმ კანონპროეტის მხარდაჭერა, რომელიც პარლამენტშია ინიცირებული და რომელიც პარლამენტში, გენდერული კვოტების მინიჭებას ითვალისწინებს.

„ქალების მონაწილეობა პოლიტიკაში არის ძალიან მნიშვნელოვანი გენდერული თანასწორობისთვის, იმისთვის, რომ პარლამენტი იყოს წარმომადგენლობითი ორგანო. ქალები ქალთა უფლებებს და არა მარტო ქალთა უფლებებს გაცილებით უკეთესად იცავენ, ვინაიდან მათ აქვთ განსხვავებული ცოდნა, განსხვავებული გამოცდილება და მართვის მეთოდები. ჩვენ ვითხოვთ, კვოტებს რომლის მიხედვითაც უზრუნველყოფილი იქნება 150 მანდატიან პარლამენტში ქალების 25% მონაწილეობა. მიგვაჩნია, რომ ეს არ არის ბევრი, მაგრამ არის საკმარისი, იმისათვის რომ უკეთესი პარლამენტი გვქონდეს“, - განაცხადა ქალთა მოძრაობის წევრმა ბაია პატარაიამ.

აღსანიშნავია, რომ დღევანდელი აქცია ქვემომოქმედების ხასიათის იქნება. შეგროვდება შემოწირულობა, რომელიც გადაეცემა იმ ქალბატონებს, როლებიც ოჯახში ძალადობის მსხვერპლები არიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი