კოალიცია „ქართული ოცნების“ პოლიტსაბჭომ ქორწინებასთან დაკავშირებით პარლამენტში საკონსტიტუციო ცვლილების ინიცირებას მხარი დაუჭირა, - ამის შესახებ პრემიერ-მინისტრმა გიორგი კვირიკაშვილმა პოლიტსაბჭოს სხდომის დასრულების შემდეგ ჟურნალისტებს განუცხადა.

როგორც კვირიკაშვილმა აღნიშნა, კოალიცია „ქართული ოცნების“ პოლიტსაბჭოს დღევანდელ სხდომაზე განხილულ საკითხთა შორის ერთ-ერთი უმთავრესია საკონსტიტუციო ცვლილების ინიცირება, რომელიც ქორწინებას როგორც ქალისა და მამაკაცის ერთობის სამოქალაქო კოდექსში არსებული განმარტების საკონსტიტუციო დონეზე გამყარებას გულისხმობს.

პრემიერ-მინისტრმა ასევე აღნიშნა, რომ რესპუბლიკურმა პარტაიმ განსხვავებული პოზიცია დააფიქსირა, რაც მისივე თქმით, ეხება არა საკითხის შინაარსს, არამედ მისი განხორციელების გზებსა და საშუალებებს.

„საზოგადოებისთვის ცნობილია, რომ კოალიცია ცოტა ხნის წინ გააკეთა მნიშვნელოვანი განაცხადი. კოალიცია დისკრიმინაციის ყველა ფორმის წინააღმდეგია რაც გამყარდა შესაბამისი კანონის მიღებით.

ჩვენ კიდევ ერთხელ ხაზგასმით და ერთხმად კოალიციის ერთგულებას გიდასტურებთ აღნიშნულ პრინციპისადმი რაც დისკრიმინაციის ნებისმიერი ფორმის მიუღებლობას გულისხმობს და აღკვეთს“, - განაცხადა კვირიკაშვილმა.

პრემიერის თქმით, კოალიცია ინიციატივით გამოდის, რომ ისეთი მნიშვნელოვანი ფასეულობების დაცვა როგორიცაა ქორწინება, ქვეყნის მთავარი კანონის, კონსტიტუციის დონეზე იყო გარანტირებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი