საერთაშორისო არაღიარების პირობებში, ბიძინა ივანიშვილი დარჩება რიგით, პატარა მარიონეტად, რომელსაც ბევრად მეტი ფასის გადახდა მოუწევს თუ ახალ არჩევნებს არ ჩანიშნავს და პოლიტიკურ პატიმრებს არ გაათავისუფლებს , - ამის შესახებ „ძლიერი საქართველოს“ ერთ-ერთმა ლიდერმა, ირაკლი კუპრაძემ გაფართოების საკითხებში ევროკომისრის მარტა კოსის განცხადებასთან დაკავშირებით განაცხადა.

კუპრაძის თქმით, ერთადერთი არჩევანი, რაც ბიძინა ივანიშვილს აქვს, „ხელისუფლების დათმობა და ახალი არჩევნების ჩანიშვნაა“.

„ევროკომისარი გაფართოების საკითხებში, პირდაპირ აკეთებს განცხადებას, რომ „ქართულმა ოცნებამ“ შეცვალა საგარეო კურსი, რაც კონსტიტუციის დარღვევა და საქართველოს მოქალაქეების სრული უმრავლესობის ნების უგულებელყოფაა. ის მოუწოდებს, დაბრუნდეს საგარეო კურსზე, რაც გულისხმობს ევროინტეგრაციის პროცესს. ერთადერთი არჩევანი ბიძინა ივანიშვილს აქვს, რომ დათმოს ხელისუფლება და ჩანიშნოს ახალი არჩევნები. წინააღმდეგ შემთხვევაში, მას მოუწევს საქართველოს მოქალაქეების სრულ უმრავლესობასთან დაპირისპირება, რის ბრძოლასაც და ომსაც ვერ მოიგებს. საერთაშორისო არაღიარების პირობებში, ბიძინა ივანიშვილი დარჩება რიგით პატარა მარიონეტად, რომელსაც ბევრად მეტი ფასის გადახდა მოუწევს თუ ახალ არჩევნებს არ ჩანიშნავს და პოლიტიკურ პატიმრებს არ გაათავისუფლებს“, - განაცხადა ირაკლი კუპრაძემ.

ცნობისთვის, გაფართოების საკითხებში ევროკომისარი, მარტა კოსი საქართველოს ხელისუფლებას მოუწოდებს „შეცვალოს კურსი და საქართველოს ევროკავშირისკენ გზას დაუბრუნდეს“.

ავტორი: ექსპრესნიუსი,

სოციალური ქსელები

ოპოზიციის ალიანსი მიხეილ სააკაშვილის განცხადებებს ემიჯნება და მას კონფრონტაციულს უწოდებს

სუს-ი აღიარებს, რომ რუსეთი საქართველოს ტერიტორიების ანექსიას აწყობს

ბერ ნიკოლოზ (ნარიმან) მაქარაშვილს 23 აპრილს ჯიქიას სასაფლაოზე დაკრძალავენ

რუსეთმა ბიუჯეტის დეფიციტის დასაფინანსებლად 22 ტონა ოქრო გაყიდა