პარლამენტთან შეკრებილ ჟურნალისტებს, რომლებიც მზია ამაღლობელის გათავისუფლებას ითხოვდნენ პოლიცია თავს დაესხა. ტროტუარიდან ყრიან ხალხს, ტროტუარზე გვიშლიან დგომას", - ამბობს აქციაზე მყოფი ჟურნალისტი მერაბ მეტრეველი.  

"ამხელა ქალი ხარ, სახე გაქ დაკარგული ქალის, გაიწიე, ხმას დაუწიე, წინ იყურე, პოლიციელი რო გეტყვის უნდა დაემორჩილო " - ამ სიტყვებით მიმართა რეჟიმის ერთ-ერთმა პოლიციელმა, საქართველოს ჟურნალისტური ეთიკის ქარტიის დირექტორს ლიკა ჩახუნაშვილს.

გამოცემა პუბლიკას მთავარი რედაქტორის ზურა ვარდიაშვილის თქმით, პოლიცია აქციაზე შეკრებილ ჟურნალისტებს თავს მოულოდნელად დაესხა.

პარლამენტთან, სადაც რამდენიმე ათეული ჟურნალისტი ვაპროტესტებთ მზია ამაღლობელის პატიმრობას, მოულოდნელად თავს დაგვესხა პოლიციის ნიღბიანთა რაზმი, ურტყეს ყველას ვისაც მისწვდნენ, დაარტყეს ჩვენს რეპორტიორს ნათია ლევერაშვილსაც." -აცხადებს ზურა ვარდიაშვილი. 

არსებული ინფორმაციით, დაპირისპირებისას რამდენიმე ადამიანიც დააკავეს.

12 საათზე პარლამენტის შენობაში საგაზაფხულო სესია, ყაველაშვილის მოხსენებით უნდა გაიხსნას.

პარალელურად უკანა შესასვლელთან მზია ამაღლობელის გათავისუფლების მოთხოვნით ჟურნალისტების აქცია მიმდინარეობს. იკრიბებიან რიგითი მოქალაქეებიც.

ავტორი: ექსპრესნიუსი,

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი