პარლამენტის ეროვნული ბიბლიოთეკა და ჰერალდიკის საბჭო აღარ იქნებიან პარლამენტთან არსებული დაწესებულებები. ორივე დაწესებულება, საჯარო სამართლის იურიდიული პირის სტატუსით, აღმასრულებელი ხელისუფლების სფეროში მოექცევა.
შესაბამისი საკანონმდებლო ცვლილებათა პაკეტი უკვე ინიცირებულია პარლამენტში და ის პარლამენტის თავმჯდომარემ, შალვა პაპუაშვილმა წარადგინა.
პარლამენტის ეროვნული ბიბლიოთეკა იქნება საჯარო სამართლის იურიდიული პირი. ბიბლიოთეკის დებულებას, საშტატო ნუსხასა და შრომის პირობებს კულტურის მინისტრი დაამტკიცებს. ასევე, კულტურის მინისტრი გაატარებს ეროვნული ბიბლიოთეკის გენერალური დირექტორის დანიშვნისა და მისი გათავისუფლების პროცესს.

„ეროვნული ბიბლიოთეკა სამართლებრივად დაკავშირებულია პარლამენტთან, ხოლო შინაარსობრივად - კულტურის სამინისტროსთან. პარლამენტთან მისი სამართლებრივი კავშირი ბუნდოვანია, რადგან ის პარლამენტის სტრუქტურული ერთეული არ არის, თუმცა მაინც პარლამენტის ნაწილია. ეს არის გარკვეული ჰიბრიდი, რომელიც ჩვენს სამართლებრივ სივრცეში არ არსებობს“, – განაცხადა შალვა პაპუაშვილმა პარლამენტის საპროცედურო საკითხთა და წესების კომიტეტის სხდომაზე.

პაპუაშვილმა აღნიშნა, რომ ეროვნული ბიბლიოთეკა აშშ-ს კონგრესის ბიბლიოთეკის მაგალითზე ჩამოყალიბდა, თუმცა ის ფუნქციურად განსხვავდება.
რაც შეეხება ჰერალდიკის საბჭოს, პარლამენტში წარდგენილი ცვლილებებით, მის ნაცვლად შეიქმნება საჯარო სამართლის იურიდიული პირი – სახელმწიფო სიმბოლიკების დეპარტამენტი. ეს დეპარტამენტი მთავრობის კოორდინაციის ქვეშ მოექცევა. მისი ხელმძღვანელი თანამდებობაზე დანიშნავს და თანამდებობიდან გაათავისუფლებს პრემიერ-მინისტრი, ხოლო დეპარტამენტის საქმიანობას მთავრობა დააკონტროლებს.

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს