სადაო 25%-ის ირგვლივ სასამართლო დავის დასრულებამდე, ლევან გაჩეჩილაძის განკარგულებების შესრულებას არ ვგეგმავთ, – ამის შესახებ ტელეკომპანია "მაესტროს" ჟურნალისტების განცხადებაშია აღნიშნული.

ისინი იმედოვნებენ, რომ ტელეკომპანიის ირგვლივ განვითარებული მოვლენები არხის ფუნქციონირებას ხელს არ შეუშლის.  

"გვსურს კიდევ ერთხელ განვაცხადოთ: ვრჩებით ტელეკომპანია "მაესტროზე", ვაგრძელებთ იმ მენეჯმენტთან მუშაობას, რომელიც ჩვენთვის სარედაქციო დამოუკიდებლობის გარანტი იყო და არის. ამასთან, სადაო 25 პროცენტის ირგვლივ სასამართლო დავის დასრულებამდე, არ ვგეგმავთ შპს "სტუდია მაესტროს" რეგისტრირებული დირექტორის, ლევან გაჩეჩილაძის, განკარგულებების შესრულებას.

ვიმედოვნებთ, "მაესტროს" ირგვლივ განვითარებული მოვლენები ხელს არ შეუშლის არხის ფუნქციონირებას და არ აისახება ჟურნალისტების სამუშაო პროცესზე", - ნათქვამია "მაესტროს" ჟურნალისტების განცხადებაში.

ცნობისთვის, ლევან გაჩეჩილაძე საჯარო რეესტრმა „სტუდია მაესტროს“ დირექტორად დაარეგისტრირა. ამ გადაწყვეტილების შესახებ ინფორმაცია დღეს დილით გავრცელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს