საზოგადოებრივი მაუწყებლის ყოფილმა ჟურნალისტმა ეკა მიშველაძემ თბილისის საქალაქო სასამართლოში მაუწყებლის წინააღმდეგ სარჩელი შეიტანა.

ეკა მიშველაძე სამსახურიდან გათავისუფლებისა და საზოგადოებრივ-პოლიტიკური თოქ-შოუ ,,პირველი სტუდიის" დახურვის საკითხზე ტელეკომპანიის გენდირექტორის მიერ გამოცემული ბრძანებების ბათილად ცნობას და სამსახურში აღდგენას ითხოვს.

"ვთვლი, რომ სამსახურიდან ჩემი გათავისუფლება უკანონო იყო. ძალიან მიხარია, რომ იგივეს ფიქრობენ იურისტები და ეს არ არის მხოლოდ ჩემი წარმოსახვის შედეგი. დარწმუნებულიც ვარ, რომ ეს საქმე დასრულდება ჩემი გამარჯვებით, რაც იქნება მაგალითი ყველა ჟურნალისტისთვის, მედიის ყველა წარმომადგენლისთვის და ზოგადად ყველა ადამიანისთვის ქვეყანაში, რომ უსამართლობა ისჯება," - განაცხადა ეკა მიშველაძემ.

ჟურნალისტის ინტერესებს სასამართლოში ახალგაზრდსა იურისტთა ასოციაცია დაიცავს.

შეგახსენებთ, ეკა მიშველაძეს გადაცემა შემოდგომით დაუხურეს. მოგვიანებით, მასსა და ტელეკომპანიის გენდირექტორს გიორგი ბარათაშვილს შორის შეთანხმება მოხდა, რომლის მიხედვითაც ეკა მიშვლეაძე ეთერში ახალი მოდერნიზებული ფორმატით იანვარში გავიდოდა, თუმცა პირობა აქაც დაირღვა და მიშველაძის გადაცემა ისევ არ გავიდა ეთერში.

მაუწყებლის მიერ გავრცელებული განცხადების თანახმად მიშველაძის პროექტი ტელევიზიის ხელმძღვანელობამ დაიწუნა, ვინაიდან მსგავსი ტიპის გადაცემა პირველი არხის ეთერში უკვე გადიოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი