„მე ამ პროცესს შევაფასებდი, როგორც ხელისუფლების ბრძოლას ტელევიზიის წინააღმდეგ. აქ არაფერი შუაში არ არიან მეწილეები, აქ არაფერ შუაში არ არიან ლევანი და გია გაჩეჩილაძე“, - ასე გამოეხმაურა საჯარო რეესტრის გადაწყვეტილებას ტელეკომპანია „მაესტროს“ უკვე ყოფილი გენერალური დირექტორი ბაია გადაბაძე.

როგორც გადაბაძე აცხადებს, გაჩეჩილაძეები მხოლოდ ინსტრუმენტები არიან.

„აღნიშნულ გადაწყვეტილებას ნაწილობრივ ველოდი, მაგრამ მიმაჩნია, რომ ეს არის უკანონო გადაწყვეტილება რეესტრის მხრიდან, რადგან მე მაქვს სამი საჩივარი შეტანილი და ეს ყურად იღეს. ასევე ჩემს შემთხვევაში ძალიან მალე გამცა პასუხი სასამართლოს ყველა ინსტანციამ და მამუკა ღლონტს, რომელსაც ორი თვეა შეტანილი აქვს განცხადება, მათ ჯერ განხილვაც არ დაუწყია. მე ამ პროცესს შევაფასებდი, როგორც ხელისუფლების ბრძოლას ტელევიზიის წინააღმდეგ. აქ არაფერი შუაში არ არიან მეწილეები, აქ არაფერ შუაში არ არიან ლევანი და გია გაჩეჩილაძე. ისინი ჩემდა სამწუხაროდ, არიან მხოლოდ ინსტრუმენტები“, - აღნიშნა გადაბაძემ.

მისივე განცხადებით, „მაესტროს“ შენობა მფლობელისგან მინდობილი მას აქვს

„რაც შეეხება იმას, რომ ლევან გაჩეჩილაძემ ბრძანა ასეთი რაღაც, რომ ის აპირებს მოსვლას და თანამშრომლებთან გასაუბრებას. მე მას ვეტყვი ასეთ რაღაცას, ეს შენობა არ ეკუთნის შპს „სტუდია მაესტროს“ და ეს ძალიან კარგად იცის ლევანმა და მთელმა საქართველომ. მე ვარ ამ შენობის მფლობელის მინდობილი პირი. შესაბამისად, ტელევიზიის სამართავად ლევანი ამ შენობაში ვერ შეძლებს და ვერ განახორციელებს ამის გაკეთებას. მე მასთან მაქვს ასეთი შეთავაზება, თუ მას მიაჩნია, რომ მე რომელიმე თანამშრომელი ხელით მიჭირავს, გაქცევა უნდათ და რაიმე სახის ზეწოლას ვახდენ მათზე, მე ვთავაზობ ლევანს, გამოაცხადოს, სად უნდა მივიდნენ თანამშრომლები, რა შეთავაზება აქვს მათ მიმართ, რა პირობებზე მუშაობას და საერთოდ რას სთავაზობს“, - აცხადებს ტელეკომპანიის ყოფილი გენდირექტორი.

გადაბაძე ტელეკომპანიის თანამშრომლებსაც მიმართავს. თანამშრომლებს ის კვლავაც სარედაქციო დამოუკიდებლობის გარანტიას აძლევს.

„მე ასევე მივმართავ ტელეკომპანია „მაესტროს“ თანამშრომლებს, თქვენ იცით, ჩვენ სამი წელია ვთანამშრომლობთ, მადლობა, ყოველთვის აღნიშნავს,  რომ მე თქვენთვის არასდროს რაიმე ზეწოლა არ მომიხდენია. მეგობრებო, თუ თქვენ გაინტერესებთ ლევან გაჩეჩილაძესთან, ახალ დირექტორთან მუშაობა, რომელიც მიმაჩნია, რომ უკანონოდ არის დანიშნული, თქვენ შეგიძლიათ ეს გააკეთოთ, გაესაუბროთ მას და გაიგოთ რას გთავაზობთ. მე კარგად იცით რას გთავაზობთ. მე გთავაზობთ დამოუკიდებელ ტელევიზიაში მუშაობას, რომელიც არავის მიერ არ იქნება მართული, გთავაზობთ რთულ ვითარებაში მუშაობას, მაგრამ ჩვენ ყველაფერს ვაკეთებთ იმისთვის, რომ „მაესტროს“ ფუნქციონირება არ შეჩერდეს და არსებობს ამის ალტერნატიული გზები, რომელზეც ეხლა მე არ ვისაუბრებ. გააკეთეთ არჩევანი მეგობრებო, ლევანი არის უფლებამოსილი და ყველანაირ საშუალებას მისცემს ტელეკომპანია „მაესტრო“ დაასახელოს ადგილი სად უნდა მივიდნენ თანამშრომლები, ხოლო თანამშრომლებმა გადაწყვიტონ, უნდათ თუ არა მასთან მუშაობა. ამის შემდეგ, მე მეცოდინება ვაგრძელებ ბრძოლას თქვენთან ერთად, თუ არ ვაგრძელებ. თუ არა, ესეც პასუხი იქნება ჩემთვის. მარტო გავაგრძელებ ამ ბრძოლას თუ 10 ადამიანთან ერთად, ამას მნიშვნელობა არ აქვს. ეს არის ბრძოლა ხელისუფლებასა და „მაესტროს“ შორის“, - განაცხადა ბაია გადაბაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი