2016-03-05 21:34:53, 457 ნახვა
პოლიტიკა
სამნიძე: ძირითადი პარტია ქართული ოცნებაა, მეორე - პარლამენტის თავმჯდომარის პარტია
''ძირითადი პარტია ქართული ოცნებაა, მეორე - პარლამენტის თავმჯდომარის პარტია'' - ამის შესახებ რესპუბლიკური პარტიის თავმჯდომარე, ხათუნა სამნიძემ რუსთავი 2-ის პირდაპირ ეთერში განაცხადა. ის აცხადებს, რომ ორპარტიული შეთანხმება არ ნიშნავს კოალიციაში მხოლოდ ორი პარტიის არსებობას, თუმცა რესპუბლიკური პარტიის თავმჯდომარე ამბობს, რომ კოალიციაში დღეს ორი ძირითადი პარტიაა. ძირითადი პარტია ქართული ოცნებაა, რომელიც პრემიერის პარტიაა და მეორე პარლამენტის თავმჯდომარის პარტია - რესპუბლიკური პარტიაა.
ხათუნა სამნიძემ კოალიციაში შემავალი პარტიების რეიტინგებზეც ისაუბრა და აღნიშნა რომ ბოლო წლებია, კოალიციაში შემავალი პარტიების რეიტინგები ცალკე არ გაზომილა. თუმცა, პარტიების ლიდერების რეიტინგებით რესპუბლიკელები სხვა პარტიებთან უპირატესობაშია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
