ძალიან მნიშვნელოვანია, მთავრობა უსმენდეს კერძო სექტორს; განსაკუთრებით მნიშვნელოვანია მცირე და საშუალო ბიზნესის მოსმენა და მათთვის საჭირბოროტო საკითხების გადაწყვეტა, - ამის შესახებ საქართველოს პრემიერ-მინისტრმა გიორგი კვირიკაშვილმა მცირე და საშუალო ბიზნესის წარმომადგენლებთან შეხვედრის შემდეგ ჟურნალისტებს განუცხადა.

მთავრობის მეთაურის შეფასებით, ბიზნესმენებთან ძალიან საინტერესო და საჭირო შეხვედრა შედგა.

„ჩვენი პრიორიტეტია, რაც შეიძლება მეტი არაცნობადი სახე იყოს ასეთ შეხვედრებზე",- განაცხადა პრემიერმა.

შეხვედრაზე დაისვა ადმინისტრაციული და საგადასახადო, ასევე - ფინანსებზე წვდომის გამარტივების საკითხები.

გიორგი კვირიკაშვილის განცხადებით, საუბარი შეეხო რეფორმების ოთხპუნქტიანი გეგმას, რომლის უმნიშვნელოვანესი ნაწილია მოგების გადასახადის გაუქმება და საგადასახადო ადმინისტრირების გამარტივება.

„შევეცდებით, მაქსიმალური აქცენტი გავაკეთოთ მცირე მეწარმეებზე, რადგან დასაქმების ეფექტი ასეთ საწარმოებში ძალიან მნიშვნელოვანია. ვისაუბრეთ სახელმწიფო შესყიდვების კუთხით მცირე და საშუალო საწარმოებისთვის გარკვეულ შეღავათებზე და სხვა ძალიან მნიშვნელოვან საკითხებზე. ასეთი ტიპის შეხვედრები გაგრძელდება, აუცილებლად შეიქმნება მუდმივმოქმედი წარმომადგენლობითი ჯგუფი, რომელიც ამ სექტორის ძალიან მნიშვნელოვან პრობლემებს მუდმივ რეჟიმში სახელმწიფოსთან მოიტანს და ჩვენ, რა თქმა უნდა, მათ წინადადებებს მოვუსმენთ", - აღნიშნა პრემიერ-მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი