ფრაქცია „ეროვნული ფორუმის“ თავმჯდომარის  სოსო ვახტანგაშვილის განცხადებით, მისთვის უცნობია თუ რას გულისხმობს „რესპუბლიკურ პარტიასა“ და „ქართულ ოცნებას“ შორის სტრატეგიული თანამშრომლობა.

როგორც „ექსპრესნიუსთან“ საუბარში თემის კომენტირებისას სოსო ვახტანგაშვილმა აღნიშნა, მისთვის უცნობია, თუ რა ტიპის მოლაპარაკება შედგა ორ პარტიას შორის.

„გამიჭირდება კომენტარის გაკეთება ამ საკითხთან დაკავშირებით. იმიტომ რომ არა მხოლოდ მე, როგორც „ეროვნული ფორუმის“ თავმჯდომარეს არ მაქვს ეს ინფორმაცია, ასევე ანალოგიური განცხადება გააკეთა კოალიციაში დომინანტი პარტიის „ქართული ოცნების“ ფრაქციის თავმჯდომარემ გია ვოლსკიმ.

რა ტიპის მოლაპარაკებები შედგა, რასთან დაკავშირებით იყო, ამ პერიოდში  ვიმყოფებოდით ქუთაისში და ბუნებრივია, არ მიგვიღია მონაწილეობა. მითუმეტეს „ეროვნული ფორუმი“  ვერ მიიღებდა მონაწილეობას ამ პროცესში. თუმცა, როგორც „რესპუბლიკური“ პარტიის ერთ-ერთმა ლიდერმა დაანონსა, კონკრეტული დეტალები უახლოეს მომავალში გახდება ცნობილი საზოგადოებისთვის და ალბათ,  მერე უფრო უპრიანი იქნებოდა საუბარი  ამ თემაზე. ახლა უბრალოდ მარჩიელობას  შეიძლება დაემსგავსოს  საუბარი იმ პროცესზე, რომელიც ხდება „ქართულ ოცნებას“ და „რესპუბლიკელებს“ შორის“, - განაცხადა სოსო ვახტანგაშვილმა.

ცნობისთვის, „რესპუბლიკელებისა“ და პრემიერ-მინისტრის შეხვედრის დასრულების შემდეგ პარტიის ლიდერებმა დავით უსუფაშვილმა და ხათუნა სამნიძემ განაცხადეს, რომ „ქართული ოცნება“ და „რესპუბლიკელები“ ორმხრივ თანამშრომლობაზე შეთანხმდნენ, თუმცა რას ნიშნავს ორმხრივი თანამშრომლობა მათ არ დაუკონკრეტებიათ. მათივე განცხადებით, პარტიები სტრატეგიულ თანამშრომლობაზე გადადიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.

უკრაინული დრონები თავს დაესხნენ ომსკში, საზღვრიდან 2500 კილომეტრში მდებარე Ozon-ის საწყობს და ნავთობქიმიურ ქარხანას

ტრამპი: აშშ ირანზე დარტყმას 25 ოქტომბრიდან განიხილავს, თუმცა მნიშვნელოვანი შეთანხმების მიღწევა შესაძლებელია