იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი" საზოგადოებრივ ცენტრებში ახალგაზრდულ პროექტებს განაგრძობს.

ცენტრის ინფორმაციით, ტრენინგი „სამართლის სკოლა“ დღეს შილდას საზოგადოებრივ ცენტრში ჩატარდა. „სამართლის სკოლის"  მიზანია ახალგაზრდებში სამოქალაქო და სამართლებრივი ცნობიერების ამაღლება. სესიას ადგილობრივი სკოლის 14-დან 18 წლამდე ასაკის  30 მოსწავლე დაესწრო.

ტრენინგის დასრულების შემდეგ ყველა მონაწილეს  „გერმანიის საერთაშორისო თანამშრომლობის საზოგადოების" მიერ გამოცემული სამართლებრივი შინაარსის წიგნი - „სამართლის ქალაქი" გადაეცა. ტრენინგის ძირითადი დრო ადამიანის უფლებებსა და თავისუფლებებს, სამართლის არსსა და მის დარგებს, ასევე დანაშაულსა და მის პრევენციას  დაეთმო. იუსტიციის სამინისტროს დანაშაულის პრევენციის ცენტრის ერთ-ერთი მიმართულებაა ახალგაზრდებში სამართლებრივი და სამოქალაქო ცნობიერების ამაღლება, მოხალისეობრივი კულტურის განვითარების ხელშეწყობა. ამ მიზნით სხვადასხვა ახალგაზრდული პროგრამა იუსტიციის სახლებსა და საზოგადოებრივ ცენტრებში მიმდინარეობს.

როგორც ცნობილია, საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა.

საზოგადოებრივი ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს