„ეს შეთანხმებები არის ნათელი დემონსტრირება  იმ მეგობრობის და  საერთო  სტრატეგიული ინტერესების, რაც წლებია აკავშირებს  საქართველოსა და აზერბაიჯანს და რაც ურყევი და შეუცვლელია  მომავალშიც“, - ამის შესახებ საქართველოს ენერგეტიკის მინისტრმა კახი კალაძემ „სოკარის“ პრეზიდენტ როვნაგ აბდულაევთან ერთად გამართულ პრესკონფერენციაზე განაცხადა.

 დღეს ქართულმა მხარემ და სოკარის პრეზიდენტმა რამდენიმე შეთანხმებას მოაწერეს ხელი:

 „ეს შეთანხმებები არის ნათელი დემონსტრირება  იმ მეგობრობის, კეთილმეზობლური დამოკიდებულების და  საერთო  სტრატეგიული ინტერესების, რაც წლებია აკავშირებს  ჩვენს ქვეყნებს და რაც ურყევი და შეუცვლელია  მომავალშიც. მიუხედავად  საქართველოში მიმდინარე არაჯანსაღი პოლიტიკური  ოპონირებისა ყოფილი სახელისუფლებო  პარტიის მხრიდან, მიუხედავად მცდელობისა, რომ ჩვენს ქვეყნებს შორის მეგობრობა და  პოლიტიკური თუ ბიზნესურთიერთობები სათავისოდ დემაგოგიისთვის გამოეყენებინათ, ამ ურთულეს  მრავალმხრივ მოლპარაკებების  პროცესში ჩვენი  ქვეყნის მთავრობა, უშუალოდ მოლაპარაკებებში  მონაწილე დელეგაციები  იდგნენ მოწოდების სიმაღლეზე და პროფესიონალურად წარმართეს ეს პროცესი“, - განაცხადა კალაძემ.

მან მოლაპარაკებებში ჩართულ ყველა მხარეს მადლობა გადაუხადა. ასევე, ენერგეტიკის მინისტრმა მადლობა გადაუხადა მოსახლეობას, რომ ისინი გარკვეული ჯგუფების  დემაგოგიას არ აყვნენ.

„დიდი მადლობა ჩვენი ქვეყნის მოსახლეობას, რომ არ აყვა გარკვეული პირების,  ან ჯგუფების დემაგოგიას და პოლიტიკური ეიფერიის შექმნაში არ მიიღო მონაწილეობა“, - აღნიშნა მინისტრმა.

ცნობისთვის, ვიცე-პრემიერმა, ენერგეტიკის მინისტრმა კახი კალაძემ და კომპანია „სოკარის“ პრეზიდენტმა როვნაგ აბდულაევმა საქართველოს მთავრობასა და კომპანია სოკარს შორის 2011 წლის დეკემბერში გაფორმებულ მემორანდუმში ცვლილებებს მოაწერეს ხელი.

დღესვე, „ გაზისა და ნავთობის კორპორაციის“ დირექტორმა დავით თვალაბეიშვილმა და შპს „სოკარ გაზ ექსპორტ-იმპორტის“ ხელმძღვანელმა ზაურ გულიევმა ხელი მოაწერეს „ბუნებრივი გაზით მომარაგების შესახებ“ „კორპორაციას“ და შპს „ სოკარ გაზ ექსპორტ-იმპორტს“ შორის დადებულ ხელშეკრულებაში ცვლილებებს. ასეევ ხელი მოეწერა „ბუნებრივი გაზის ყიდვას“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი