საქართველოს პრემიერმინისტრი გიორგი კვირიკაშვილი „ბათუმის წყალის“ ხელმძღვანელის მიმართ გაჟღერებულ ბრალდებებს გამოეხმაურა. 

კერძოდ, არსებული ინფორმაციით, ალეკო მიქელაძემ  შეკამათების გამო, ერთ-ერთ კვების ობიექტს  წყლის მიწოდება შეუწყვიტა.

პრემიერმა რეგიონული განვითარებისა და ინფრასტრუქტურის სამინისტროს საკითხში დეტალურად გარკვევა დაავალა. ამასთან, კვირიკაშვილის განცხადებით, თუ აღნიშნული საკითხი დადასტურდება,  „ბათუმის წყლის“ ხელმძღვანელი  თანამდებობას დატოვებს.

„ ასევე მინდა გამოვეხმაურო ერთ საკითხს, რომლის თაობაზეც საჯარო სივრცეში ინფორმაცია გაჟღერდა და შემდგომ მე მოვიკითხე ეს საკითხი. თუ არ ვცდები ეს იყო „ბათუმის წყალის“ ხელმძღვანელის საკითხი და იქ გარკვეული ბრალდებები იმასთან დაკავშირებით, რომ რაღაც შეკამათების შედეგად მოხდა ერთ-ერთი კვების ობიექტითვის წყლის შეწყვეტა ბათუმში. მინდა, რომ ინფრასტრუქტურისა და რეგიონული განვითარების მართვის სამინისტროს ვთხოვო, რომ მაქსიმალურად დეტალურად გავერკვათ ამ საკითხში და საერთოდ მინდა ვთქვა, რომ ჩვენ უნდა დავამკვიდროთ საჯარო მოხელის ქცევის ძალიან მაღალი სტანდარტი. თუ ეს საკითხი დადასტურდება და მინდა, რომ ძალიან დეტალებში გაერკვეთ ამ საკითხში, მე მინდა, რომ ამ პიროვნებამ სასწრაფოდ დატოვოს თავისი თანამდებობა. აუტანელია და საერთოდ ჩვენ ვერ შევეგუებით იმას, რომ საჯარო მოხელეების საკუთარ თანამდებობას იყენებდნენ იმისათვის, რომ რაღაც საკუთარი სურვილები დაიკმაყოფილონ. კიდევ ერთხელ ვამბობ, თუ ეს საკითხი დადასტურდება და მე მინდა, რომ სიმართლეში გავერკვეთ, უპირველეს ყოვლისა, სასწრაფოდ უნდა იქნას მიღებული ასეთი ტიპის გადაწყვეტილება. მე არ ვიცი, კიდევ ერთხელ ვამბობ, შესაძლოა, რომ იყოს უსაფუძლო ბრალდება, მაგრამ ერთი რამ უნდა ითქვას, მინდა მოვუწოდო ყველა საჯარო მოხელეს, რომ ჩვენ უნდა ვიყოთ მაგალითი სახელმწიფოებრივი აზროვნების, ჩვენ უნდა ვაჩვენოტ ყველაზე მეტი თავმნდაბლობა, როდესაც ჩვენ ვიმყოფებით საჯარო სივრცეში და მივცეთ მაგალითი ჩვენს თანამოქალაქეებს და არ უნდა მივცეთ საბაბი არავის, რომ ასეთი ტიპის კტიკია ისმოდეს საჯარო მოხელეების მიმართ.

შეგახსენებთ, გავრცელდა ინფორმაცია, რომ „ბათუმის წყლის“ დირექტორ  ალეკო მიქელაძეს რესტორანმა „ BK“-მ ბათუმში სასურველი მაგიდა ვერ შესთავაზა. ის რესტორნიდან გაბრაზებული წავიდა. რამდენიმე წუთში კი, რესტორანს წყლის მიწოდება შეუწყვიტეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა