2025-01-10 17:10:42, 537 ნახვა
სამართალი
ონისე ცხადაძე - ამ ქვეყნისთვის ადამიანები კვდებოდნენ და არ მინდა მეც ნაკლები გავაკეთო
პროევროპულ აქციაზე ჯგუფური ძალადობის ბრალდებით დაკავებული იუმორისტი ონისე ცხადაძე ერთ-ერთია იმ 11 პირს შორის, რომელთა აღკვეთის ღონისძიების შეცვლის საკითხი განიხილება თბილისის საქალაქო სასამართლოში.
მოსამართლე ქეთევან ჯაჭვაძემ უნდა გადაწყვიტოს, გაითვალისწინებს თუ არა პროკურატურის შუამდგომლობას, ყველა მათგანის პატიმრობაში დატოვების შესახებ.
„იმის მიუხედავად, რომ რთულია პატიმრობაში ყოფნა, არ მაინტერესებს თუ დამტოვებთ პატიმრობაში. ამ ქვეყნისთვის ადამიანები კვდებოდნენ და არ მინდა მეც ნაკლები გავაკეთო ქვეყნისთვის...
ამ [ბრალდებით] რომ მომისაჯოთ მაქსიმუმი, გამოდის, რომ ვანო მერაბიშვილზე 9 თვით ნაკლები გამომივა. თქვენი აზრით, მე ვიქნები მასზე ცოტათი განსხვავებული დამნაშავე“, - მიმართა ონისე ცხადაძემ მოსამართლეს.
ავტორი: ექსპრესნიუსი,
epn.ge (@expressnews.ge)
