"რესპუბლიკური" პარტიის წევრები დღეს პრემიერ-მინისტრს შეხვდებიან. გიორგი კვირიკაშვილის განცხადების შესახებ პარტიის პოზიცია ამის შემდეგ გახდება ცნობილი.

ამის შესახებ "ექსპრესნიუსს" ინფორმაცია "რესპუბლიკური პარტიის" პრესსამსახურში დაუდასტურეს.

"დეტალებს ვერ გეტყვით, სად, რა დროს და რა ფორმატში გაიმართება შეხვედრა, თუმცა გიდასტურებთ, რომ დღეს პრემიერთან შეხვედრა აუცილებლად გაიმართება", - გვითხრეს პარტიის პრესცენტრში.

ინფორმაციის გადამოწმება "ექსპრესნიუსმა" პრემიერ-მინისტრის პრესსამსახურთანაც სცადა, სადაც გვითხრეს, რომ არანაირი შეხვედრა არ იყო დაგეგმილი.

"არავითარი შეხვედრა არ იყო დაგეგმილი. მეც გავეცანი ინფორმაციას, რომ დღეს "რესპუბლიკელები" პრემიერს შეხვდებიან, თუმცა ამ ინფორმაციას ამ ეტაპზე ვერც დაგიდასტურებთ და ვერც უარვყოფ. როგორც კი დამატებითი ინფორმაცია მექნება, მაშინვე შეგატყობინებთ", - განუცხადეს "ექსპრესნიუსს" პრემიერის პრესსამსახურში.

ცნობსითვის, საქართველოს პრემიერმინისტრი გიორგი კვირიკაშვილი კოალიციაში არსებულ პოლიტიკურ დაპირისპირებას ეხმაურება და აცხადებს, რომ დაპირისპირებამ სრულიად მიუღებელი ფორმა მიიღო. როგორც გიორგი კვირიკაშვილის განცხადებაშია ნათქვამი, თავდაცვის მინისტრი პირველ რიგში მთავრობის წევრია და მხოლოდ ამის შემდეგ არის საკუთარი პარტიის ერთ–ერთი ლიდერი.

სწორედ მისი სტატუსიდან გამომდინარე, პრემიერის შეფასებით, მისი მხრიდან მსგავს დაპირისპირებაში ჩართვა მიუღებელია. გიორგი კვირიკაშვილი პოლიტიკურ პარტნიორებს მოუწოდებს, ნებისმიერი სადავო საკითხი მხოლოდ კოალიციის შიგნით განიხილონ;

"წინააღმდეგ შემთხვევაში, მე, როგორც ქვეყნის პრემიერ-მინისტრი და კოალიციის ლიდერი, აუცილებლად განვახორციელებ ცვლილებებს, რომლებიც უზრუნველყოფს მთავრობის სტაბილურ ფუნქციონირებას და პოლიტიკური პროცესის ჯანსაღ ჩარჩოებში მოქცევას", - ნათქვამია გიორგი კვირიკაშვილის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო