ბოლო კვირების განმავლობაში სოციალურ მედიაში გავრცელებული კადრები, სადაც ჩინეთის საავადმყოფოები გადაჭედილია პირბადიანი ადამიანებით, ახალი პანდემიის შიშს ბადებს.

პეკინმა დაადასტურა HMPV-ის (ადამიანის მეტაპნევმოვირუსის) შემთხვევების ზრდა, განსაკუთრებით ბავშვებში, და ეს სეზონურ მატებას დაუკავშირა.

HMPV კორონავირუსისგან განსხვავებულია, ამბობენ ჯანდაცვის ექსპერტები. ვირუსი ცნობილია ათწლეულების განმავლობაში და თითქმის ყველა ბავშვი ინფიცირდება 5 წლის ასაკამდე. თუმცა, ის უფრო სერიოზულ დაავადებებს იწვევს ძალიან პატარა ბავშვებში და  ადამიანებში, რომლებსაც სუსტი იმუნიტეტი აქვთ.

რა არის HMPV და როგორ ვრცელდება?

HMPV ვირუსი ზედა სასუნთქი გზების მსუბუქ ინფექციას იწვევს, რომელიც სიმპტომებით გაციების მსგავსია.

ის პირველად 2001 წელს ნიდერლანდებში იდენტიფიცირდა და ვრცელდება ადამიანთა შორის პირდაპირი კონტაქტით ან ინფიცირებულ ზედაპირებთან შეხებით.

სიმპტომები უმეტეს შემთხვევაში მოიცავს ხველას, სიცხეს და ცხვირის დახშობას.

იმუნოსუსტირებულ ადამიანებსა და 2 წლამდე ბავშვებში ვირუსი შეიძლება სერიოზულ დაავადებად გადაიქცეს, რაც ფილტვების დაზიანებას, სუნთქვის გაძნელებას და სხვა სიმპტომებს იწვევს.

რატომ იზრდება შემთხვევები ჩინეთში?

HMPV-ის შემთხვევები ძირითადად ზამთრის ბოლოს და გაზაფხულზე მატულობს, რადგან ცივი პირობები ვირუსს გავრცელებისთვის ხელსაყრელ გარემოს უქმნის.

ჩრდილოეთ ჩინეთში ტემპერატურის ვარდნა მარტამდე გაგრძელდება, რაც ვირუსის გავრცელებას ხელს უწყობს.

მსგავსი მატება შეინიშნება ჩრდილოეთ ნახევარსფეროს სხვა ქვეყნებშიც, მათ შორის აშშ-სა და დიდ ბრიტანეთში.

HMPV და Covid-19: უნდა ვშიშობდეთ?

ექსპერტები ამბობენ, რომ Covid-19-ის მსგავსი პანდემიის შიში გადაჭარბებულია. HMPV არ არის ახალი ვირუსი და მოსახლეობის დიდ ნაწილს უკვე გარკვეული იმუნიტეტი აქვს.

ექიმები ხაზს უსვამენ, რომ ვირუსი გლობალურად ცნობილია და ადამიანების უმეტესობა სიცოცხლეში რამდენჯერმე ინფიცირდება.

პრევენციული ზომები

ექსპერტები რეკომენდაციას უწევენ სტანდარტულ პრევენციულ ზომებს:

•           პირბადის ტარებას ხალხმრავალ ადგილებში,

•           ხალხმრავლობის თავიდან აცილებას,       

•           ხელების ხშირად დაბანას,

•           გრიპის საწინააღმდეგო ვაქცინის გაკეთებას.

მიუხედავად იმისა, რომ HMPV-ს შემთხვევების მატება შეშფოთებას იწვევს, პანდემიის ალბათობა არ არსებობს. ვირუსი ცნობილია და კონტროლირებადია, თუმცა განსაკუთრებული სიფრთხილე საჭიროა იმ ადამიანებისთვის, რომლებსაც იმუნური სისტემა დასუსტებული აქვთ.

ავტორი: ექსპრესნიუსი,

სოციალური ქსელები

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი

თიბისის მხარდაჭერით თბილისის წიგნის ბაზრობა გაიმართება