აშშ-ის არჩეული პრეზიდენტი, დონალდ ტრამპი, არ გამორიცხავს სამხედრო ძალის გამოყენებას პანამის არხსა და გრენლანდიაზე კონტროლის მოსაპოვებლად. ტრამპის თქმით, ამ ტერიტორიებზე კონტროლის მიღება მნიშვნელოვანი იქნება აშშ-ის ეკონომიკური უსაფრთხოებისთვის.

„არა, დარწმუნებით ვერ გეტყვით, რომელ საშუალებას გამოვიყენებ, მაგრამ შემიძლია ვთქვა, რომ ჩვენ ამ ტერიტორიებს გვჭირდება ჩვენი ეკონომიკური უსაფრთხოებისთვის,“ - განაცხადა ტრამპმა მედიასთან საუბარში, პასუხად კითხვაზე, ხომ არ გეგმავს ის სამხედრო ან ეკონომიკური ძალის გამოყენებას.

კითხვაზე, თუ გამოიყენებს თუ არა იგი სამხედრო ძალას კანადასთან მიმართებაში, ტრამპმა განმარტა, რომ ის არ გამოიყენებს სამხედრო ძალას, არამედ უფრო ეკონომიკურ ძალას.

დონალდ ტრამპმა ასევე გამოთქვა მოსაზრება, რომ კანადაში ბევრ ადამიანს სურს აშშ-ს 51-ე შტატად შეუერთდეს. „თუ კანადა აშშ-ს შეუერთდება, არ იქნებოდა ტარიფები, გადასახადები მნიშვნელოვნად შემცირდებოდა, და ისინი დაცულები იქნებოდნენ რუსული და ჩინური გემების საფრთხისგან,“ - განაცხადა ტრამპმა.

ავტორი: ექსპრესნიუსი,

სოციალური ქსელები

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა

რეგიონებში ცხოველთა 3 ახალი მუნიციპალური თავშესაფარი აშენდება

სპეციალური შეთავაზება SOLO მომხმარებლებისთვის - დაესწარით სპექტაკლ “შერეკილები”-ს პრემიერას რეზო გაბრიაძის თეატრში