2025-01-03 19:45:27, 448 ნახვა
სამართალი
ზუგდიდში თავსაბურავის ტარების გამო აქტივისტი მარიამ სიჭინავა სამართალდამრღვევად მიიჩნიეს
ზუგდიდში მიმდინარე პროევროპულ აქციაზე პარტია “დროას” წარმომადგენელი მარიამ სიჭინავა თავსაბურავის, ე.წ. ბალაკლავას ტარების გამო პოლიციამ კვლავ სამართალდამრღვევად მიიჩნია.
აქციის მონაწილის მიმართ ადმინისტრაციული წესით საქმის წარმოება დაიწყო. ეს უკვე მეორე შემთხვევაა. მანამდე, 30 დეკემბერს, ასევე თავსაბურავის ტარებისთვის პოლიციამ მარიამ სიჭინავასთან ერთად კიდევ ორი აქციის მონაწილის მიმართ დაიწყო საქმის წარმოება.
მარიამ სიჭინავამ ჟურნალისტებს განუცხადა, რომ მისთვის უცნობია როდის გაიმართება მისი სასამართლო პროცესი - სწორედ სასამართლო გადაწყვეტს 2000 ლარით დააჯარიმებს თუ გაფრთხილებით შემოიფარგლება.
ავტორი: ექსპრესნიუსი,
epn.ge (@expressnews.ge)
