2024-12-04 16:18:52, 415 ნახვა

---

პოლიცია „ერთიანი ნაციონალური მოძრაობის“ ახალგაზრდული ორგანიზაციის ოფისში შევიდა - ადგილზე დაპირისპირებაა

პოლიცია "ერთიანი ნაციონალური მოძრაობის" ახალგაზრდული ორგანიზაციის ოფისში შევიდა.  

ადგილზე იმყოფებიან "ერთიანობა ნაციონალური მოძრაობის" ლიდერები, რომლებსაც პოლიცია შენობაში არ უშვებს.

როგორც ადგილზე მყოფმა პოლიციელმა, "ერთიანობა ნაციონალური მოძრაობის" წევრ სოფო ჯაფარიძეს განუცხადა, შენობაში სასამართლო განჩინების საფუძველზე საგამოძიებო მოქმედებები მიმდინარეობს.

ადგილზე "ერთიანობა ნაციონალური მოძრაობის" წევრ ლევან ხაბეიშვილსა და პოლიციას შორის დაპირისპირება მოხდა.

როგორც "ერთიანობა ნაციონალური მოძრაობის" თავმჯდომარე თინა ბოკუჩავამ განაცხადა, საქართველოში მიმდინარეობს ის პროცესი, რაც ათეული წლის წინ, ბელარუსში და რუსეთში ჩამოყალიბდა.

"ეს არის ზუსტად ის, რაც მოხდა ბელარუსში, რუსეთში რამდენიმე ათეული წლის წინ, ჩამოყალიბდა დიქტატურა და ავტორიტარიზმი, სახლებშიც შევარდნილია ახლა ივანიშვილის რუსული ომონი, პარტიის ოფისებში გვივარდება რუსული ომონი, რეალურად ხდება ქვეყნის მიტაცება",- განაცხადა თინა ბოკუჩავამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი