გადავრჩით, რომ „ქოცებმა“ ბიძინას ზებრა არ დაასახელეს კანდიდატად,- ასე ეხმაურება „ერთიანობა - ნაციონალური მოძრაობის“ წევრი პაატა მანჯგალაძე საქართველოს პრეზიდენტობის კანდიდატად მიხეილ ყაველაშვილის დასახელებას.

როგორც მანჯგალაძე აცხადებს, „ხორციელდება მიზანმიმართული დისკრედიტაცია და დაზიანება ქართული სახელმწიფოს და მისი ინსტიტუტების“.  

„არალეგიტიმურმა და თვითგამოცხადებულმა ხელისუფლებამ დაასახელა ე.წ. მათი პრეზიდენტობის კანდიდატი. 

პირდაპირ შემიძლია ვთქვა, გადავრჩით, რომ „ქოცებმა“ ბიძინას ზებრა არ დაასახელეს კანდიდატად, თუმცა სახუმაროდ ნამდვილად არ გვაქვს საქმე, რადგან ხორციელდება მიზანმიმართული დისკრედიტაცია და დაზიანება ქართული სახელმწიფოს და მისი ინსტიტუტების.  

ამაზე შეგუება დაუშვებელია. ბრძოლა გრძელდება, ე.წ. ხელისუფლებას ძალაუფლების ხალხისთვის დაბრუნება აუცილებლად მოუწევს“,- აცხადებს პაატა მანჯგალაძე.

შეგახსენებთ, საქართველოს პრეზიდენტობის კანდიდატი მიხეილ ყაველაშვილი იქნება. ყაველაშვილის კანდიდატურა დღეს, 27 ნოემბერს გამართულ ბრიფინგზე „ქართული ოცნების“ საპატიო თავმჯდომარე ბიძინა ივანიშვილმა წარადგინა.

პრეზიდენტის არჩევნები მიმდინარე წლის 14 დეკემბერს, ხოლო ინაუგურაცია 29 დეკემბერს გაიმართება.

საქართველოს მოქმედ პრეზიდენტ სალომე ზურაბიშვილს, რომელიც 2018 წლის 28 ნოემბერს აირჩიეს, უფლებამოსილება 16 დეკემბერს ეწურება.

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო