2024-10-26 18:18:01, 344 ნახვა

---

ბოკუჩავა - „ნაციონალური მოძრაობის“ ოფისთან „ქართული ოცნების“ ძალადობრივი ჯგუფები მოცვივდნენ [ვიდეო]

„ერთიანობა - ნაციონალური მოძრაობის“ თავმჯდომარის, თინა ბოკუჩავას განცხადებით, პარტიის ცენტრალურ ოფისთან „ძალადობრივი ჯგუფები“ მივიდნენ.

როგორც ბოკუჩავამ რამდენიმე წუთის წინ გამართულ საგანგებო ბრიფინგზე აღნიშნა, არჩევნებში ოპოზიცია დამაჯერებლად იმარჯვებს.

„სულ რამდენიმე წუთის წინ „ქართული ოცნების“ ძალადობრივი ჯგუფები მოცვივდნენ „ნაციონალური მოძრაობის“ ოფისთან. ამას აკეთებს ხელისუფლება, რომელიც არჩევნებს აგებს და რომელიც უკიდურესად შეშინებულია. ეს არის ხელისუფლება, რომელიც აცნობიერებს, რომ ძალიან მალე ისინი აღარ იქნებიან ხელისუფლებაში. ამ არჩევნებში ვიმარჯვებთ ოპოზიცია და ვიმარჯვებთ ძალიან დამაჯერებლად, მაგრამ თითოეული ხმა უკიდურესად მნიშვნელოვანია - არ გავფლანგოთ არცერთი ხმა“,- განაცხადა თინა ბოკუჩავამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი