საკრებულოში დეპუტატები 2016 წლის შემცირებულ ბიუჯეტს განიხილავენ.

ცვლილებები კომუნალურ ვაუჩერებს შეეხება და გამოყოფილი 45 მილიონი ლარის, 14 მილიონით შემცირებას გულისხმობს.

ცვლილებებს საკრებულოს ოპოზიციაში არ ეთანხმებიან. „ნაციონალურ მოძრაობაში“ ამბობენ, რომ ცვლილებების შედეგად, დაახლეობით, 290 ათასი ოჯახი კომუნალური ვაუჩერის გარშე დარჩება.

„"ქართულმა ოცნებამ" გადაწყვიტა საპარლამენტო არჩევნების შემდეგ ადამიანების სოციალური საჭიროებების განურჩევლად, თბილისელების 2/3, დაახლოებით, 290 ათასი ოჯახი მეტად მნიშვნელოვანი კომუნალური შეღავათის გარეშე დატოვოს“,- განაცხადა ირაკლი აბესაძემ.

კომუნალური ვაუჩერების შესახებ ბიუჯეტში ცვლილებებს საკრებულოს დამოუკიდებელი დეპუტატი, ალეკო ელისაშვილიც ეწინააღმდეგება.

„თუ რამე ქამრების შემოჭერის მსგავსი უნდათ, თვითონ აქვთ უზარმაზარი ქამრები და დაიწყონ თვითონ შემოჭერა და ხალხს აჩვენონ, რომ თვითონ იკლებენ“,- განაცხადა ალეკო ელისაშვილმა.

საკრებულოს უმრავლესობაში კი აღნიშნავენ, რომ სოციალურად დაუცველებს ის ვაუჩერი, რომელიც წლების წინ ჰქონდათ გაუორმაგდათ.

"ნებისმიერი ოჯახი ვისაც სჭირდება, რომ სახელმწიფოსგან სოციალური დახმარება მიიღოს, ისინი აუცილებლად მიიღებენ. სოციალურად დაუცველებს კი არ აკლდებათ, სოციალურად დაუცველებს გაუორმაგდათ ის ვაუჩერი, რომელსაც წლების წინ აძლევდნენ“, - განაცხადა საკრებულოს ქონების მართვისა და საფინანსო-საბიუჯეტო კომისიის თავმჯდომარემ, ჯაბა სამუშიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს