"საქართველოს ბანკი" MasterCard-თან ერთად გადახდის ინოვაციურ მეთოდს ნერგავს.

1 მარტიდან, გადახდა შესაძლებელი იქნება პოსტერმინალზე მობილურის მხოლოდ ერთი შეხებით. ამისათვის, საკმარისია რომ მომხმარებელმა ანდროიდის სისტემის მობილურში ჩამოტვირთოს TSKAPP აპლიკაცია.

როგორც საქართველოს ბანკის გენერალურმა დირექტორმა მურთაზ კიკორიამ ჟურნალისტებთან საუბრისას აღნიშნა, 1-ლი მარტიდან საქართველოს ბანკის მომხმარებლებისთვის მომსახურებისა და შენაძენის გადახდა უმარტივესი გახდება.

„პირველი ბანკიდან საქართველოს ბანკის მომხმარებლებისთვის მომსახურების და შენაძენის გადახდა უმარტივესი გახდება. მობილურის უბრალო შეხებით ტერმინალთან. საქართველოს ბანკის მომხმარებელს, რომელსაც გააჩნია მასთერქარდის ბარათი  შეეძლება ანდროიდის ტელეფონის დახმარებით შეეძელება ერთი შეხებით გადაიხადოს შენაძენი. ამისთვის აუცილებელია საქართველოს ბანკის მასთერქარდის ბარათი tskap აპლიკაციის ჩამოტვირთვა და შესაბამისი პაროლის არსებობა, რომლის მიღება საქართველოს ბანკის ნებისმიერ სერვისცენტრში არის შესაძლებელი“,-განაცხადა კიკორიამ.

ცნობისთვის, აპლიკაცია უფასოა და მისი ჩამოტვირთვა შესაძლებელი იქნება Google Play Store-იდან და www.tskapp.ge -დან. TSKAPP აპლიკაციის მობილურში ჩამოტვირთვის შემდეგ, მომხმარებელი შეძლებს ნებისმიერი შენაძენის და მომსახურების საფასურის გადახდას პოსტერმინალზე მობილურის მხოლოდ ერთი შეხებით. აპლიკაციით სარგებლობისთვის, მომხმარებელი უნდა ფლობდეს საქართველოს ბანკის ან ექსპრეს ბანკის მინიმუმ ერთ აქტიურ MasterCard-ის ბარათს და მომხმარებლის სახელსა და პაროლს, რომელსაც იყენებს ინტერნეტბანკში ან მობილბანკში. იმ მომხმარებელს, ვისაც ჯერ არ აქვს მომხმარებლის სახელი და პაროლი, შეუძლია მიმართოს საქართველოს ბანკის და ექსპრეს ბანკის ნებისმიერ სერვისცენტრს. სახელის და პაროლის მიღება, ასევე შესაძლებელია საქართველოს ბანკის ნებისმიერი ბანკომატის საშუალებით.

დამატებითი ინფორმაციისთვის ეწვიეთ: www.tskapp.ge

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა