2024-10-18 14:46:28, 1135 ნახვა

---

რიჟვაძე - მოსახლეობამ აჭარაში კარგად იცის, რომ სააკაშვილის, „ნაც მოძრაობის“ მთავარი რეკეტი გახლდათ ხაზარაძე, რომელსაც უკავშირდება არაერთო ოჯახის გაუბედურება

"მსურს გაგაცნოთ აჭარის ავტონომიური რესპუბლიკის 2025 წლის ბიუჯეტით დაგეგმილი სოციალური და ინფრასტრუქტურული პროექტები, რომელიც მორგებული და გათვლილია აჭარის თითოეული მცხოვრებლის საჭიროებებზე, მათ კეთილდღეობაზე. თამამად შემიძლია ვთქვა, რომ ამ მიზნით და სულისკვეთებით ვხელმძღვანელობდით აქამდე და დარწმუნებული ვარ რომ 26 ოქტომბრის გამარჯვების შემდეგ ახალი შემართებით გავაგრძელებთ ამ მნიშვნელოვანი საქმეების კეთებას" - აღნიშნა აჭარის მთავრობის თავმჯდომარემ თორნიკე რიჟვაძემ დღეს გამართულ მთავრობის სხდომაზე.

მან ასევე ისაუბრა რეგიონში წინასაარჩევნო გარემოზე და ხაზი გაუსვა ეუთო/ოდირის მიერ გამოქვეყნებულ შუალედურ დასკვნას, რომლის მიხედვითაც დადებითად არის შეფასებული წინასაარჩევნო გარემო როგორც მთლიანად ქვეყანაში, ასევე აჭარის რეგიონში.

"მინდა კომენტარი გავაკეთო მათ შორის კოლექტიური ნაც მოძრაობის სატელიტ პარტიებზე: ჩვენმა მოსახლეობამ აჭარაში, ჩვენმა ძვირფასმა ხალხმა ძალიან კარგად იცის, რომ სააკაშვილის, ნაც მოძრაობის მთავარი რეკეტი გახლდათ ხაზარაძე, რომელსაც უკავშირდება არაერთო ოჯახის გაუბედურება აჭარაში, არამარტო ცალკეული ოჯახების, არამედ მთლიანი გვარების გაუბედურება, მათი გაკულაკება და წარმოუდგენელია, რომ ქობულეთში, ბათუმში ამ პარტიამ, რომელიც შეხმატკბილებულია ნაც მოძრაობასთან, მიაღწიოს საარჩევნო ბარიერს. ჩვენ ამ წინასაარჩევნო გარემოში გავაგრძელებთ ჩვენს მოქალაქეებთან, ამომრჩევლებთან აქტიურ კომუნიკაციას, როგორც მთლიანად გუნდი, ასევე ჩვენი ძალიან ღირსეული დელეგატები. დარწმუნებული ვარ რომ 26 ოქტომბერს კიდევ ერთხელ სწორედ იმ მშვიდობის, სწორედ იმ ღირსების და რა თქმა უნდა ჩვენი მოქალაქეების კეთილდღეობის გათვალისწინებით შევძლებთ, რომ წინ ვიაროთ ევროპული სახელმწიფოსკენ",- აღნიშნა თორნიკე რიჟვაძემ დღეს გამართულ აჭარის მთავრობის სხდომაზე.

ინფორმაციას აჭარის მთავრობა ავრცელებს.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი