საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ დირექტორი ირაკლი ხელაძე სასტუმრო „ქორთიად მარიოტში“ გამართული პროექტის - „ნაბიჯ-ნაბიჯ  უკეთესი მომავლისთვის: მდგრადი რეაბილიტაცია და რესოციალიზაცია საქართველოში“ შემაჯამებელ ღონისძიებას დაესწრო.

პროექტი დაფინანსებულია ევროკავშირისა და ავსტრიის განვითარების სააგენტოს მიერ, რომელიც საქართველოს იუსტიციის სამინისტროს სსიპ „დანაშაულის პრევენციის ცენტრისა“ და პრობაციის ეროვნული სააგენტოს ხელშეწყობით ერთობლივად  განახორციელეს საერთაშორისო ორგანიზაციამ “Hilfswerk Austria International” და  იძულებით გადაადგილებულ პირ ქალთა ასოციაციამ „თანხმობა“.

დანაშაულის პრევენციის ცენტრის ინფორმაციით, პროექტის მიზანია   სოციალურად დაუცველი ჯგუფების ეფექტიანი რესოციალიზაცია  საზოგადოებაში.

როგორც შეხვედრაზე აღინიშნა, პროექტი შიდა ქართლის რეგიონში 26 თვის განმავლობაში მიმდინარეობდა. მის ფარგლებში   გადამზადდა და დასაქმდა რეგიონში მცხოვრები 150 ბენეფიციარი. მათ შორის არიან ყოფილი პატიმრები, პრობაციონერები, მათი ოჯახის წევრები, დევნილები და კანონთან კონფლიქტში მყოფი არასრულწლოვნები. სერვისებით სსიპ „დანაშაულის პრევენციის ცენტრის“ ბენეფიციარებმა - 9 ყოფილმა პატიმარმა და მათი ოჯახის წევრებმა ისარგებლეს. 

პროექტი მოიცავდა ბენეფიციარისადმი კომპლექსურ მიდგომას.  კერძოდ, პროფესიულ განათლებას, ფსიქო-სოციალურ  მომსახურებას, სამუშაოს მოძიების პროცესში დახმარებას, მცირე გრანტების გაცემასა და მენტორობის ინსტიტუტის პოპულარიზაციას. თითოეული ამ სერვისის მიღება შესაძლებელი  იყო  ასოციაცია „თანხმობის“ გორის საინტეგრაციო/ სასწავლო  ცენტრში. იუსტიციის სამინისტროს სსიპ „დანაშაულის პრევენციის ცენტრი „ყოფილ პატიმართა რეაბილიტაციისა და რესოციალიზაციის პროგრამას“ ახორციელებს, რომელიც იუსტიციის მინისტრის ინიციატივით 2012 წლის ბოლოს შეიქმნა. ეს არის პირველი სახელმწიფო პროგრამა ყოფილ პატიმართა და მათი ოჯახის წევრთა დასახმარებლად. მისი მიზანია საზოგადოების დაცვა განმეორებითი დანაშაულისგან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს