სოფლის მეურნეობის სახელმწიფო ლაბორატორიაში თევზის დაავადებების, მათ შორის, თევზის ვირუსული და ბაქტერიოლოგიური დაავადების დიაგნოსტიკა მიმდინარეობს.

"საქართველოს აკვაკულტურის განვითარებას დიდი პოტენციალი  აქვს და ამ მიმართულებით მნიშვნელოვანი ნაბიჯები იდგმება. აღნიშნული მოცემულობის გათვალისწინებით, ჩვენი მიზანია ლაბორატორიული სფეროს გაფართოება, რაც გულისხმობს შესაძლებლობების გაძლიერებას და ახალი კვლევების დანერგვას. იმ დროს, როდესაც ქვეყანაში აკვაკულტურის სფეროს განვითარების მიმართულებას დიდი ყურადღება ეთმობა, სოფლის მეურნეობის სახელმწიფო ლაბორატორიამ დროული ნაბიჯები გადადგა და აკვაკულტურის სფეროს წარმომადგენლებს, ადგილობრივ მეწარმეებსა და ბიზნესოპერატორებს შესაძლებლობა მისცა, ადგილზე მიიღონ საერთაშორისო დონის კვლევებით მომსახურება“, - განაცხადა სოფლის მეურნეობის სახელმწიფო ლაბორატორიის დირექტორმა, ირაკლი გულედანმა.

სოფლის მეურნეობის სახელმწიფო ლაბორატორიის, ცხოველთა დაავადებების დიაგნოსტიკის დეპარტამენტში თევზის დაავადებების დიაგნოსტიკის სფეროს შვიდი ახალი მეთოდი დაემატა. 

კვლევათა ნუსხას დაემატა: 

• თევზის ენტერალური წითელი პირის; 

• ლაქტოკოკოზის (სტრეპტოკოკოზი); 

• ვაგოკოკოზის; ფურუნკულოზის; 

• თირკმლის ბაქტერიოლოგიური დაავადების; 

• ლაყუჩის ბაქტერიოლოგიური დაავადებისა და 

• ფლავობაქტერია spp-ს დიაგნოსტიკა.

დღეისათვის ლაბორატორიაში შესაძლებელია თევზის ოცამდე დაავადებებზე ჩატარდეს კვლევები.

აღსანიშნავია, რომ ლაბორატორიის ქსელში გეგმურად მიმდინარეობს ახალი კვლევის მეთოდების დანერგვა რაც ვლინდება ლაბორატორიული მომსახურების სფეროს გაფართოებაში. ასევე, მიმდინარეობს რეგიონული ლაბორატორიების გაძლიერება რეგიონის მოთხოვნებიდან გამომდინარე. 

ინფორმაციას გარემოს დაცვისა და სოფლის მურნეობის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს