კესარია აბრამიძეს სავარაუდოდ დანით 50-მდე ჭრილობა აქვს მიყენებული. ამის შესახებ "ექსპრესნიუსისთვის" გახდა ცნობილი.

"ექსპრესნიუსის" მიერ მოპოვებული ინფორმაციით, მკვლელობამდე ცოტა ხნით ადრე, მეზობლებმა ხმამაღალი საუბრის შემდეგ კი ჩხუბის ხმა გაიგეს. არსებული ინფორმაციით, ტრანსგენდერ ქალს სასიკვდილო ჭრილობა ყელის არეში ცივი იარაღით აქვს მიყენებული.

მას შემდეგ რაც მოკლულმა დახმარება ითხოვა მეზობლებმა სასწრაფოს და პოლიციას გამოუძახეს.

დაჭრილი კესარია სადარბაზოს დამლაგებელმა ნახა. - "ყელი გამოჭრა, მანამდე კი ყვიროდა და შველას ითხოვდა" - აცხადებენ მეზობლები.

დიდ დიღომში, ავთანდილის ქუჩაზე მდებარე საცხოვრებელ სახლში ამ დრისთვის პოლიცია საგამოძიებო მოქმედებებს ატარებს.

არსებული ინფორმაციით, იძებნება ბექა ჯაიანი, რომელმაც დანაშაულის ადგილიდან მიმალვა შეძლო, პოლიციას ამოღებული აქვს სათვალთვალო კამერების ჩანაწერებიც

როგორც ადგილზე ცენტრალური კრიმინალური პოლიციის დეპარტამენტის დირექტორმა, თეიმურაზ კუპატაძემ განაცხადა, ადგილზე პოლიცია მუშაობს და მიმდინარეობს საგამოძიებო მოქმედებები.

შეგახსენებთ, თბილისში დიღმის მასივში, ტრანსგენდერი ქალი, კესარია აბრამიძე მოკლეს. მომხდარზე გამოძიება  სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები