"არა კრემლის დიქტატს" - ამ სლოგანით დღეს, 15 სექტემბერს საქართველოს პარლამენტთან აქცია გაიმართება. ამის შესახებ განცხადებას ახალგაზრდული მოძრაობა "დაფიონი" სოციალურ ქსელში ავრცელებს.

როგორც მოძრაობის განცხადებაშია აღნიშნული, შეკრება საკანონმდებლო ორგანოს წინ 19:00 საათიდან დაიწყება.

"ბიძინა ივანიშვილმა განაცხადა, რომ საქართველო იყო დამნაშავე 2008 წლის ომში და საქართველო დაესხა ოს ხალხს თავს. ამით მან ქართველი მებრძოლი გმირები გაუთანაბრა ტერორისტებს და ოსი ხალხის გენოციდში დასდო ბრალი!

მან ასევე განაცხადა, რომ საქართველომ ბოდიში უნდა მოუხადოს ოს და აფსუა სეპარატისტებს.

ეს არის საქართველოსა და მისი გმირების შეურაცხყოფა! სულში ჩაფურთხება!

15 სექტემბერს, 19:00-დან ვიკრიბებით პარლამენტთან. კოლაბორანტებს პასუხი უნდა გაეცეთ!" - აღნიშნულია "დაფიონის" განცხადებაში.

ავტორი: ექსპრესნიუსი,

სოციალური ქსელები

აზოვის ზღვაში დრონის თავდასხმის შედეგად ხუთი აზერბაიჯანელი მეზღვაური დაიღუპა

კოლებში მობილურების გამოყენების წესი დამტკიცდა

ლავროვი: საქართველოს ხელმძღვანელობას ევროკავშირში გაწევრიანების უარყოფითი მხარეები ესმის

„თეგეტა მოტორსი“ კამპანია „გაიარე მეტის“ ფარგლებში ავტო და მოტოპროექტების მხარდამჭერია