საქართველო 2025 წელს "ოსკარის" 97-ე ცერემონიაზე საკონკურსო ფილმის სტატუსით რუსუდან გლურჯიძის ფილმ "ანტიკვარიატს" წარადგენს. ამის შესახებ ინფორმაციას საქართველოს კინემატოგრაფიის ეროვნული ცენტრი (GNFC) სოციალურ ქსელში ავრცელებს.

GNFC-ს ცნობით, კონკურსში საპროდიუსერო კომპანიებისგან წარდგენილი იყო 5 ფილმი: "სიცოცხლიდან სიცოცხლემდე" (რეჟისორი და პროდიუსერი - ბექა სიხარულიძე); "კაცი რომელიც ჯიხურთან იდგა“ (რეჟისორი დავით ქაფიაშვილი; პროდიუსერი ხათუნა ვაშაძე); "ეშმაკის სამოთხე" (რეჟისორი ხათუნა ვაშაძე; პროდიუსერი გიორგი აზნაური); "ანტიკვარიატი" (რეჟისორი რუსუდან გლურჯიძე, პროდიუსერი ზურაბ მაღალაშვილი) და "აპრილი" (რეჟისორი დეა კულუმბეგაშვილი, პროდიუსერი არჩილ გელოვანი). 

მათივე ინფორმაციით, გამარჯვებული ფილმი 12 სექტემბერს, კინოცენტრის ორგანიზებით დადგენილი სპეციალური კომისიის წევრების მიერ, ფარული კენჭისყრის საფუძველზე შეირჩა - ჟიურის 4-მა წევრმა ხმა დეა კულუმბეგაშვილის ფილმ "აპრილს" მისცა, ხოლო 5 ხმით კონკურსში გამარჯვებული რუსუდან გლურჯიძის ფილმი გახდა - სხვა საკონკურსო  ნამუშევრებს, ხმები არ მიუღიათ. 

"საქართველოს სახელით ამერიკის კინოაკადემიის 2025 წლის "ოსკარზე" სრულმეტრაჟიანი ფილმის ნომინაციისთვის წარსადგენი საპროდიუსერო კომპანიების განაცხადების მიღება 2024 წლის 16 აგვისტოს დაიწყო და ამა წლის 6 სექტემბრამდე გაგრძელდა.

სპეციალური კომისია, რომელმაც საქართველოდან "ოსკარზე“ წარსადგენი ფილმი შეარჩია, დაკომპლექტდა საქართველოს ეროვნული კინოცენტრის დირექტორის ინდივიდუალური ადმინისტრაციულ-სამართლებრივი აქტით და მის შემადგენლობაში შედიოდნენ: ზაზა შათირიშვილი (კულტურისა და კინოს მკვლევარი), ვლადიმერ კაჭარავა (პროდიუსერი), ედმონდ მინაშვილი (პროდიუსერი), ლევან გიგინეიშვილი (ფილოსოფოსი), ნიკოლოზ შენგელაია (კინომხატვარი), ხათუნა ხუნდაძე (პროდიუსერი), გიორგი ჭუმბურიძე (რეჟისორი), ბაჩანა ოდიშარია (კინოცენტრის ფილმწარმოების დეპარტამენტის უფროსი) და გიორგი ცხვედიანი (კინოცენტრის კინოექსპორტის დეპარტამენტის უმცროსი სპეციალისტი)",- ნათქვამია GNFC-ს ინფორმაციაში.

შეგახსენებთ, მანამდე, რეჟისორ დეა კულუმბეგაშვილის ფილმმა "აპრილი" ვენეციის 81-ე კინოფესტივალზე ჟიურის სპეციალური პრიზი მიიღო. 

ავტორი: ექსპრესნიუსი,

სოციალური ქსელები

კმარა სუნთქვა აღარ შეგვიძლია - თურქეთში ათასობით ადამიანი ჟურნალისტების დაკავებების წინააღმდეგ გამოვიდა

სეს: სუნელ-სანელებლებში სუდანის ჯგუფის აზო-საღებავები გამოვლინდა

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს