ღაზაში მყოფი მძევლების გათავისუფლების შესახებ შეთანხმება ჯერ კიდევ მოლაპარაკებების პროცესშია, - ამის შესახებ ამერიკის შეერტებული შტატების პრეზიდენტმა, ჯო ბაიდენმა განაცხადა.

ბაიდენის თქმით, მოლაპარაკებებს არა ნეთანიაჰუსთან, არამედ კოლეგებთან კატარიდან და ეგვიპტიდან აწარმოებს. 

"ჩვენ ჯერ კიდევ ვაწარმოებთ მოლაპარაკებებს. ჩვენ ჯერ კიდევ მოლაპარაკებების შუა პროცესში ვართ. ვაწარმოებთ მოლაპარაკებებს არა ნეთანიაჰუსთან, არამედ ჩემს კოლეგებთან კატარიდან და ეგვიპტიდან",- აღნიშნა ბაიდენმა.

აღნიშნული განცხადება ბაიდენმა მას შემდეგ გააკეთა, რაც ვიცე-პრეზიდენტ კამალა ჰარისთან ერთად ადმინისტრაციის იმ წარმომადგენლებს შეხვდა, რომლებიც მონაწილეობენ ისრაელსა და “ჰამასს“ შორის მიმდინარე მოლაპარაკებებში მძევლების გათავისუფლების საკითხზე.

მხარეებმა განიხილეს ძალისხმევა დარჩენილი ტყვეების გათავისუფლებასთან დაკავშირებით. 

ცნობისთვის, მანამდე აშშ-ის პრეზიდენტმა, ჯო ბაიდენმა განაცხადა, რომ ისრაელის პრემიერ-მინისტრი ბენიამინ ნეთანიაჰუ მძევლებთან დაკავშირებით შეთანხმების უზრუნველსაყოფად საკმარის ძალისხმევას არ დებს.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ